कोशी प्रदेश सभाको चालु अधिवेशन अन्त्य : बजेटसम्बन्धी अर्को अध्यादेश ल्याउने तयारी
काठमाण्डौ । कोशी प्रदेश सभाको चालु तेस्रो अधिवेशन अन्त्य भएको छ ।
हिजो बेलुका बसेको प्रदेश सरकार मन्त्रिपरिषद्को बैठकले तेस्रो तथा हिउँदे अधिवेशन अत्यका लागि प्रदेश प्रमुख खापुङसमक्ष सिफारिस गर्ने निर्णय गरेको थियो ।
जसअनुसार प्रदेश प्रमुख परशुराम खापुङले गएराति १२ बजेदेखि अधिवेशन अन्त्य गर्नुभएको प्रदेश प्रमुख कार्यालयले जनाएको छ ।
अधिवेशन अन्त्य गरी प्रदेश सरकारले तत्कालीन हिक्मतकुमार कार्की नेतृत्वको सरकारले अध्यादेशमार्फत ल्याएको चालु आर्थिक वर्षको बजेट फिर्ता गरी बजेटसम्बन्धी अर्को अध्यादेश ल्याउने तयारी गरेको छ ।
तर, मुख्यमन्त्री उद्धव थापाले सभाध्यक्ष इस्राइल मन्सुरीको भोटले लिएको विश्वासको मतविरुद्धमा प्रमुख प्रतिपक्षी दल एमालेका नेता हिक्मतकुमार कार्कीले सर्वोच्च अदालतमा हिजो रिट निवेदन दायर गर्नुभएको छ । सर्वोच्च अदालतमा रिट निवेदन दर्ता भएर आजका लागि पेसी तोकिएको छ ।
Recent News
-
November 23, 2024अबदेखि धरहरा चढ्न दुई सय रुपैयाँ तिर्नुपर्ने
-
November 23, 2024प्रधानमन्त्री ओलीका बुबा अस्पताल भर्ना, अवस्था सामान्य
-
November 23, 2024भारतसँगको टेस्टमा अस्ट्रेलिया पहिलो पारीमा १ सय ४ रनमै अलआउट
