वाग्नर समूहका प्रमुख प्रिगोजिन चढेको विमान दुर्घटना : प्रिगोजिनसहित १० जनाको ज्यान गयो
एजेन्सी । वाग्नर लडाकु समूहका प्रमुख येभ्गेनी प्रिगोजिनको ज्यान गएको छ ।
उनि चढेको विमान मस्कोको उत्तर पश्चिमी क्षेत्रमा दुर्घटनामा परेको हो । उक्त विमान दुर्घटना हुँदा प्रिगोजिनसहित सबै यात्रुको ज्यान गएको बीबीसीले जनाएको छ ।
बीबीसीका अनुसार विमानमा वाग्नरका वरिष्ठ कमान्डर द्विमित्री उत्किन पनि रहेका थिए । विमानमा रहेका सबै १० जनाको शव फेला परेको आपत्कालीन सेवा प्रदायकलाई उद्धृत गरी बीबीसीले जनाएको छ ।
वाग्नर समूहसँग जोडिएको सामाजिक सञ्जाल अकाउन्टमा प्रिगोजिन मारिएको उल्लेख गरिएको छ । त्यसमा विमान खसालिएको भन्दै रुसी हवाई प्रतिरक्षा निकायलाई दोष लगाइएको छ ।
गएको जुनमा रुसमा यो समूहले विद्रोह गरेको थियो । राष्ट्रपति भ्लादिमिर पुटिनसँगको समझदारीअनुसार विद्रोहपछि लडाकु समूहका प्रमुख बेलारुस गएको ठानिएको थियो ।
Recent News
-
November 23, 2024अबदेखि धरहरा चढ्न दुई सय रुपैयाँ तिर्नुपर्ने
-
November 23, 2024प्रधानमन्त्री ओलीका बुबा अस्पताल भर्ना, अवस्था सामान्य
-
November 23, 2024भारतसँगको टेस्टमा अस्ट्रेलिया पहिलो पारीमा १ सय ४ रनमै अलआउट
