बाबर आजम फेरि पाकिस्तान क्रिकेट टिमको कप्तान नियुक्त
पाकिस्तान क्रिकेट बोर्ड (पीसीबी) ले बाबर आजमलाई पुनः पाकिस्तान क्रिकेट टिमको कप्तानमा नियुक्त गरेको छ । यसै वर्ष आयोजना हुने टी–२० विश्वकप क्रिकेटलाई ध्यानमा राखेर बाबरलाई टिमको कप्तान बनाइएको बोर्डले जनाएको छ ।
गएको वर्ष भारतमा सम्पन्न एकदिवसीय विश्वकप क्रिकेटमा पाकिस्तानी टिम सेमिफाइनलमा प्रवेश गर्न नसकेको भन्दै बाबरले सबै फम्र्याटका क्रिकेटबाट कप्तानी छोडेका थिए । यसअघि अन्तरिम व्यवस्थाका रूपमा टी–२० क्रिकेटका लागि तीव्र गतिका बलर शाहीन शाह अफ्रिदीलाई कप्तानीको जिम्मेवारी दिइएको थियो । शन मसूदलाई टेस्ट क्रिकेटको कप्तान बनाइएको थियो ।
कप्तानको फेरबदल र मुख्य प्रशिक्षक मिक्की आर्थरलाई पनि हटाएपछि पाकिन्तानी टोली अस्ट्रेलियामा सम्पन्न टेस्ट क्रिकेटमा ३–० र न्युजिल्यान्डमा सम्पन्न टी–२० क्रिकेटमा ४–१ ले पराजित भएको थियो ।
अमेरिका र वेस्ट इन्डिजमा हुने टी–२० विश्वकप क्रिकेटअघि पाकिस्तानले अब बाबरको कप्तानीमा न्युजिल्यान्ड, आयरल्यान्ड र इङ्ग्ल्यान्डसँग टी–२० क्रिकेट खेल्दैछ ।
Recent News
-
February 4, 2025एलन मस्क अमेरिकी सरकारकाे विशेष कर्मचारीका रूपमा नियुक्त
-
February 4, 2025टी–२० त्रिदेशीय शृंखला: टस जितेर थाइल्यान्डले ब्याटिङ रोज्यो
-
February 4, 2025उदयपुरको बेल्टारमा केपी ओली कप फुटसल प्रतियोगिता हुने
-
February 4, 2025शिक्षकलाई देशभर खटाउन आवश्यक: शिक्षामन्त्री भट्टराई
-
February 4, 2025प्रधानमन्त्रीबाट एचपिभी खोप अभियान शुुभारम्भ
-
February 4, 2025सभामुखको आह्वानमा सर्वदलीय बैठक आज बस्दै