मौसम खबर : काठमाण्डौसहित धेरै ठाउँमा घाम लाग्यो
काठमाण्डौ । हाल नेपालमा मनसुनको न्यूनचापीय प्रणालीको प्रभाव कमजोर भई धेरै ठाउँमा घाम लागेको छ ।
मनसुनको न्यूनचापीय रेखा नेपाल नजिक हुँदा गएको शुक्रवार रातिदेखि देशभर वर्षा भएको थियो । आजदेखि भने लगातार पानी पर्ने सम्भावना नरहेको मौसम पूर्वनुमान महाशाखाले जनाएको छ । तर, मनसुनको समय भएकाले केही ठाउँमा हल्कादेखि मध्यम पानी पर्ने सम्भावना भने रहने मौसमविद् गंगा नगरकोटीले जानकारी दिनुभयो ।
यस्तै आज दिउँसो प्रदेश–२ बाहेकका प्रदेशमा पानी पर्ने सम्भावना रहेको नगरकोटीले जानकारी दिनु भएको छ । प्रदेश–१ का केही ठाउँमा भने ठूलो पानी पर्ने अनुमान छ ।
काठमाण्डौ उपत्यकासहित पहाडी जिल्लामा दिउँसोपछि मेघगर्जन,हावाहुरी र चट्याङ्गसहित पानी पर्ने मौसमविद् नगरकोटीले बताउनुभयो ।
गएको वैशाख १ गतेदेखि अहिलेसम्म बाढी पहिरो तथा हुरीबतासका कारण ५२ जनाको ज्यान गएको छ । पहिरोमा परेर ३९, बाढीमा ११ तथा हुरीबतास र भारी वर्षाका कारण एक/ एक जनाको ज्यान गएको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ ।
Recent News
-
November 23, 2024अबदेखि धरहरा चढ्न दुई सय रुपैयाँ तिर्नुपर्ने
-
November 23, 2024प्रधानमन्त्री ओलीका बुबा अस्पताल भर्ना, अवस्था सामान्य
-
November 23, 2024भारतसँगको टेस्टमा अस्ट्रेलिया पहिलो पारीमा १ सय ४ रनमै अलआउट
