काठमाडौँमा छिटफुट वर्षा
काठमाडौं । काठमाडौँका एक–दुई स्थानमा आज (बुधबार) छिटफुट वर्षा भएको छ ।
मौसम विज्ञान विभागअन्तर्गतको जल तथा मौसम पूर्वानुमान महाशाखाका मौसमविद् प्रतिभा मानन्धरका अनुसार काठमाडौँका गोङ्गबु, चाबहिल, बालाजु र महाराजगन्जलगायतका स्थानमा छिटफुट वर्षा भएको हो ।
तत्काल ठुलो पानी पार्ने प्रणाली आउने सम्भावना भने नरहेको उहाँको भनाइ छ । अहिले पश्चिमी वायुको प्रभावका कारण हल्का वर्षा भएको हो । अन्य दिनको तुलनामा आज बढी चिसो समेत भएको छ ।
काठमाडौँ उपत्यकाबाहेक ताप्लेजुङ र मनाङमा पनि हल्का वर्षा भएको छ । उच्च पहाडी तथा हिमाली क्षेत्रमा हिमपात भएको मौसमविद् मानन्धरको भनाइ छ । मनाङ, सोलुखुम्बु, हुम्लालगायतका हिमाली क्षेत्रमा हिमपात भएको छ । यी क्षेत्रमा भोलि पनि हिमपातको सम्भावना रहेको उहाँले जानकारी दिनुभयो ।
भोली पनि पश्चिमी वायुको प्रभावका कारण आकाशमा बादल लाग्नेछ । तर केही दिन पानी पर्ने सम्भावना नरहेको उहाँ बताउनुहुन्छ ।
Recent News
-
November 29, 2024कोशी, बाग्मती र गण्डकी प्रदेशका पहाडी भेगमा आंशिक बदली
-
November 29, 2024उपचुनाव , मौन अवधि शुरू, उल्लङ्घन गरेमा तत्काल कारबाही हुने
-
November 28, 2024क्यानडाको जङ्गलमा ५ हप्ताअघि हराएका युवक जीवितै भेटिए
-
November 28, 2024श्रीलङ्का पहिलो पारीमा ४२ रनमै अलआउट
-
November 28, 2024रसुवामा आगलागी हुँदा ३ घर जलेर नष्ट
