जारी प्रधानमन्त्री कप क्रिकेटमा मधेससंग कर्णाली ६१ रनले पराजित
काठमाण्डौ । प्रधानमन्त्री कप राष्ट्रिय क्रिकेट प्रतियोगितामा मधेस प्रदेशले कर्णाली प्रदेशलाई ६१ रनले हराएको छ ।
आज (शनिबार) त्रिवि क्रिकेट मैदान कीर्तिपुरमा मधेसले दिएको २ सय ३२ रनको लक्ष्य पछ्याएको कर्णाली प्रदेश ४१ ओभर एक बलमा १ सय ७० रनमा अलआउट भयो ।
कर्णालीका लागि अर्जुन घर्तीले सर्वाधिक ५८ रन बनाए । मधेसका राजेश यादवले तीन विकेट लिए । यसअघि पहिले ब्याटिङ गरेको मधेसका लागि हरिशंकर साह र मयन यादवले समान ५०/५० रन बनाए ।
कर्णालीका दिपेन्द्र रावतले चार र अनुज चुनाराले दुई विकेट लिए । जितसँगै मधेस पाँच खेलमा ६ अंकसहित तेस्रो स्थानमा पुगेको छ । कर्णाली चार खेलमा ४ अङ्कसहित तालिकाको सातौँ स्थानमा झरेको छ । प्रतियोगितामा १० वटा टोली सहभागी छन् ।
Recent News
-
November 28, 2024क्यानडाको जङ्गलमा ५ हप्ताअघि हराएका युवक जीवितै भेटिए
-
November 28, 2024श्रीलङ्का पहिलो पारीमा ४२ रनमै अलआउट
-
November 28, 2024रसुवामा आगलागी हुँदा ३ घर जलेर नष्ट
-
November 28, 2024नेकपा एमाले गौमुखी गाउँपालिका कमिटीको दोस्रो अधिवेश सुरु
