वीर अस्पतालमा विरामीलाई दिइने खाना र अक्सिजन सुविधा नरोकिने
काठमाण्डौ । सर्वोच्च अदालतले वीर अस्पतालमा विरामीका लागि खाना र खाजालगायतका सुविधा नखोस्न आदेश दिएको छ ।
अधिवक्ता विमल पोखरेलले हालेको रीटमा हिजो (शुक्रबार) भएको सुनुवाईपछि न्यायाधीशद्वय हरि फुयाँल र बालकृष्ण ढकालको इजलासले विरामीको खाना, खाजा र अक्सिनजको सुविधा कटौती नगर्न सरकारको नाममा अन्तरिम आदेश जारी गरेको हो ।
अधिवक्ता पोखरेलले १३७ वर्षदेखि विरामीलाई दिइदै आएको खाना, खाजा र अक्सिजनको बजेट काटेर सरकारले खेलवाड गरेको दाबी गर्दै रिट दायर गर्नुभएको थियो । सरकारले चालु आर्थिक वर्षको बजेट मार्फत खाना र खाजाको बजेट घटाएको थियो । विनियोजित बजेट सकिएपछि वीर अस्पतालले विरामीको खाना तथा खाजा सुविधा कटौती गरेको छ ।
वीर अस्पतालको स्थापनादेखि नै गरीब तथा निमुखा विरामीहरुलाई खाना, खाजा, अक्सिजनलगायतको सुविधा दिईदै आएकोमा यस वर्ष पहिलो पटक उक्त सुविधा खोसिएको छ ।
Recent News
-
November 28, 2024क्यानडाको जङ्गलमा ५ हप्ताअघि हराएका युवक जीवितै भेटिए
-
November 28, 2024श्रीलङ्का पहिलो पारीमा ४२ रनमै अलआउट
-
November 28, 2024रसुवामा आगलागी हुँदा ३ घर जलेर नष्ट
-
November 28, 2024नेकपा एमाले गौमुखी गाउँपालिका कमिटीको दोस्रो अधिवेश सुरु
