एमाले उपाध्यक्ष विष्णु पौडेललाई थप पाँच दिन थुनामा राखिने
काठमाण्डौ । सम्पत्ति शुद्धीकरण (मनी लाउण्डरिङ) मुद्दाको अनुसन्धानको क्रममा पक्राउ परेका एमाले उपाध्यक्ष एवम् पूर्वअर्थमन्त्री विष्णुप्रसाद पौडेललाई थप पाँच दिन थुनामा राख्न अदालतले म्याद थप गरेको छ ।
सम्पत्ति शुद्धीकरण अनुसन्धान विभागबाट अनुसन्धानका लागि पौडेललाई बिहीबार (जेठ २५) म्याद थपका लागि विशेष अदालतमा पेस गरिएको थियो । न्यायाधीश नारायणप्रसाद पौडेल र विदुर कोइरालाको इजलासबाट अनुसन्धानका लागि पाँच दिन थुनामा राख्न म्याद थप भएको हो ।
उहाँलाई योसहित चौथोपटक म्याद थप भएको छ । इजलासको आदेशबमोजिम पौडेललाई न्यायिक हिरासतमा राख्न पठाइएको अदालतकी सूचना अधिकारी सूचना अधिकारी पार्वती हितानले जानकारी दिनुभयो।
पौडेललाई सम्पत्ति शुद्धीकरणका अभियुक्त दीपक भट्टसँगको कारोबारसँग जोडेर विभागबाट अनुसन्धान भइरहेको छ ।
Recent News
-
July 8, 2026मन्त्रिपरिषद् बैठकका निर्णय सार्वजनिक
-
July 8, 2026इरानसँगको युद्धविराम अन्त्य भएको ट्रम्पको घोषणा
-
July 8, 2026बीपी प्रतिष्ठानबाट १२ जना बिचौलिया पक्राउ
