कोरियन भाषा परीक्षा : तीन चरणमा हरेक पटक एक हजार जना सहभागी
काठमाण्डौ । कोरियाको रोजगार अनुमति प्रणाली (ईपीएस) को उत्पादनमूलक क्षेत्रको भाषा परीक्षामा फारम भरेका सबैले सहभागिता जनाउन पाउने भएका छन् । पानी जहाजसम्बन्धी कामको परीक्षामा फेल भएका तर उत्पादनमूलक क्षेत्रका लागि भाषा परीक्षाको फारम भरेकाहरु पनि समेटिने भएका छन् ।
वैदेशिक रोजगार विभाग र कोरियाको मानव संसाधन विभाग (एचआरडी) बीचको बैठकले हिजो (सोमबार) भाषा परीक्षासम्बन्धी विवाद टुङ्गो लगाएको हो । आउँदो माघ ६ गतेदेखि भाषा परीक्षा सुरु हुने र परीक्षा तीन चरणमा सम्पन्न हुनेछ । विभागका महानिर्देशक डन्डुराज घिमिरेले एक लाख ६४ हजार जनाले भाषा परीक्षा दिन पाउने बताउनुभयो ।
पहिलो चरणमा ४७ हजार, दोस्रो चरणमा ८० हजार र बाँकी तेस्रो चरणमा परीक्षामा सहभागी हुनेछन् । हरेक दिन एक हजार जनाको परीक्षा हुनेछ । शिप बिल्डिङ क्षेत्रमा पास नभएकाले गएको शुक्रबार पुस २० गतेसम्म सर्वोच्च अदालतको आदेशबमोजिम उत्पादनमूलक क्षेत्रका लागि फारम भरेका थिए ।
Recent News
-
November 28, 2024रसुवामा आगलागी हुँदा ३ घर जलेर नष्ट
-
November 28, 2024नेकपा एमाले गौमुखी गाउँपालिका कमिटीको दोस्रो अधिवेश सुरु
-
November 28, 2024५ वर्षका लागि वर्ल्डलिङ्कले पायो २ वटा लाइसेन्स
-
November 28, 2024नाष्टको ४८औँ प्राज्ञसभामा १२ विधामा पुरस्कार प्रदान गर्ने निर्णय
