शेयर बजारमा दोहोरो अङ्कको गिरावट
काठमाण्डौ । शेयर बजार हप्ताको पहिलो दिन दोहोरो अङ्कले घटेको छ । शेयर बजार परिसूचक नेप्से आज (आइतबार) २६ दशमलव ३६ अङ्कले घटेर दुई हजार २२ दशमलव ९२ विन्दुमा झरेको छ ।
आज हाइड्रोपावर बाहेक सबै समूहको शेयर घटेकोमा बीमा, उत्पादन तथा प्रशोधन, होटल तथा पर्यटन, व्यापार र विकास बैंक समूहको शेयर उच्च अङ्कले ओरालो लागेको छ ।
आज सबैभन्दा धेरै मानुषी लघुवित्तको शेयर ६ प्रतिशतभन्दा धेरैले घटेको छ । समग्रमा बजार घटेको दिन आज तेह्रथुम पावर कम्पनीको शेयरमा सकारात्मक सर्किट लागेको छ । यस्तै चारवटा कम्पनीको शेयर झन्डै १० प्रतिशतले बढेको छ ।
आज एक करोड ५२ लाख कित्ता शेयर पाँच अर्ब २४ करोड रुपैयाँमा कारोबार भएका छन् । सबैभन्दा धेरै सोनापुर मिनरल्स एन्ड आयल कम्पनीको २८ करोड रुपैयाँको शेयर किनबेच भयो ।
Recent News
-
November 28, 2024रसुवामा आगलागी हुँदा ३ घर जलेर नष्ट
-
November 28, 2024नेकपा एमाले गौमुखी गाउँपालिका कमिटीको दोस्रो अधिवेश सुरु
-
November 28, 2024५ वर्षका लागि वर्ल्डलिङ्कले पायो २ वटा लाइसेन्स
-
November 28, 2024नाष्टको ४८औँ प्राज्ञसभामा १२ विधामा पुरस्कार प्रदान गर्ने निर्णय
