• December 15, 2023

अर्थतन्त्र र व्यवसायको हीतको लागि नीतिहरु केन्द्रित हुनुपर्छ : धितोपत्र बोर्डका अध्यक्ष हमाल

काठमाण्डौ । नेपाल धितोपत्र बोर्डका अध्यक्ष रमेशकुमार हमालले बजारलाई खुला नछोडेसम्म व्यवसाय फस्टाउन नसक्ने बताउनुभएको छ ।

आज (शुक्रबार) काठमाडौंमा नबिल बैंक लिमिटेडको सहायक कम्पनी नबिल स्टक डिलर लिमिटेडको औपचारिक उद्घाटन र स्टक डिलर धितोपत्र कारोबारको शुभारम्भको अवसरमा बोल्दै अध्यक्ष हमालले यस्तो बताउनुभएको हो । उहाँले नियामक निकायहरुको भूमिका बजारको विकासलाई दीर्घकालीन र स्थिरता दिनुपर्ने रहेको बताउनुभयो । काम गर्ने प्रणालीमा सबैले परिवर्तन गर्न आवश्यक रहेको बताउनुभयो ।

अध्यक्ष हमालले सरकारले कडा नीति ल्याउदैँमो व्यवसाय फस्टाउन नसक्ने बताउनुभयो । बजारमा कुनैपनि कुराहरु सबै लगानीकर्ता र विशेष गरी साना लगानीकर्ताको लाभमा नभए त्यस्ता नीति तत्काल परिवर्तन गर्न पनि उहाँले सुझाव दिनुभयो ।

उहाँले आगामी दिनमा नेप्सेले आफ्नो वेबसाइटमा लगानीकर्ताले सजिलोसँग हेर्नसक्ने गरी सम्पूर्ण तथ्यांकहरु राख्नुपर्ने बताउनुभयो । अध्यक्ष हमालले अर्थतन्त्र र व्यवसायको हीतको लागि नीतिहरु केन्द्रित हुनुपर्ने बताउनुभयो ।