चिसोमा भूकम्पपीडितको अवस्थाप्रति गम्भीर हुन मानव अधिकार आयोगको आग्रह
काठमाण्डौ । जाजरकोट र रुकुम पश्चिमका भूकम्पपीडितलाई तत्काल चिसोबाट जोगाउने व्यवस्था मिलाउन राष्ट्रिय मानव अधिकार आयोगले कर्णाली प्रदेश सरकारलाई आग्रह गरेको छ ।
त्रिपालमुनि बसेका ४३ जनाको मृत्यु भइसकेको बताउँदै जाजरकोट र रुकुम पश्चिम पुगेर फर्किनु भएका आयोगका सदस्य मिहिर ठाकुरले यस्तो आग्रह गर्नुभएको हो । आन्तरिक मामिला तथा कानुनमन्त्री कृष्णबहादुर जिसीसँग कुरा गर्दै उहाँले तत्काल चिसोबाट जोगाउन नसकिए त्रिपालमुनि बसेकाहरुको अझ धेरै ज्यान जानसक्ने बताउनुभयो ।
त्रिपालमुनि बसिरहेका दीर्घरोगी, सुत्केरी, गर्भवती, महिला, वृद्धवृद्धा तथा बिरामीलाई दाउरा, न्यानो कपडा, औषधिको आवश्यक देखिएको ठाकुरले जानकारी दिनुभयो । जाजरकोट जिल्ला अस्पतालमा आवश्यक जनशक्ति र औषधिको पनि अभाव रहेको उहाले बताउनुभयो । केही पालिकामा अझै सरकारले घोषणा गरेको अस्थायी घर बनाउनका लागि पहिलो किस्ताको रकम पनि नपुगेको भन्दै यसतर्फ गम्भीर हुन पनि उहाँको आग्रह छ ।
Recent News
-
November 27, 2024चितवनको सौराहामा पुस ११ गतेदेखि हात्ती तथा पर्यटन महोत्सव हुने
-
November 27, 2024युक्रेनद्वारा रुसमाथि अमेरिकी क्षेप्यास्त्र आक्रमण
-
November 27, 2024सुनको मुल्य आज ९ सय रुपैयाँले बढ्यो
-
November 27, 2024महोत्तरीको रामगोपालपुरमा स्थानीय वडाध्यक्षको निर्वाचन हुँदै
-
November 27, 2024बहुप्रकोप पूर्वसूचना प्रणाली निर्माणसम्बन्धी प्रदेशस्तरीय गोष्ठी
