गुल्मीमा प्रथम मेयरकप अन्तरपालिका भलिबल प्रतियोगिता सञ्चालन
काठमाण्डौ । गुल्मीको मुसिकोट नगरपालिकामा प्रथम मेयरकप अन्तरपालिका भलिबल प्रतियोगिता शुरु भएको छ । मुसिकोट नगरपालिकाको आयोजनामा वडा नं ४ अन्तर्गत ग्वादीकाचौरमा यो प्रतियोगिता शुरु भएको हो ।
प्रतियोगितामा दश टोलीको सहभागिता रहेको छ । बुधवारदेखि शुरु भएको प्रतियोगिताको पहिलो खेल मुसिकोट नगरपालिका र रेसुङ्गा नगरपालिकाबीच भएको थियो । दुई पालिकाबीच भएको खेलमा मुसिकोट नगरपालिकाले शून्यका विरुद्ध दुई सेटको अन्तरले रेसुङ्गालाई पराजित गरी दोश्रो चरणमा प्रवेश गरेको छ ।
प्रतियोगितामा आजको पहिलो खेल बाग्लुङको निसिखोला गाउँपालिका र तमानखोला गाउँपालिकाबीच सञ्चालन हुने नगर खेलकुद विकास समितिका अध्यक्ष सन्दीप खत्रीले जानकारी दिनुभएको छ । प्रतियोगिताको उद्घाटन कार्यक्रममा कलाकारहरु उज्ज्वल गिरी, विष्णु श्रीपालीलगायतका कलाकारहरुकको प्रस्तुति समेत रहेको थियो ।
Recent News
-
November 26, 2024डिडिसी सुधारको नतिजा चाँडै देखिने : कृषिमन्त्री अधिकारी
-
November 26, 2024मिडिया काउन्सिल लगायतका विधेयक पास गर्ने तयारीमा छलफल : मन्त्री गुरुङ
-
November 26, 2024काठमाण्डौ उपत्यकासहित देशका विभिन्न शहरमा वायु प्रदूषण बढ्दै
-
November 26, 2024सुनको मुल्य २ दिनमा १८ हजार ५ सय रुपैयाँले घट्यो
