युद्धविरामका लागि इजरायललाई आग्रह गर्न अमेरिकाको अस्वीकार
एजेन्सी । अमेरिकी विदेशमन्त्री एन्टोनी ब्लिङ्केनले गाजामा युद्धविरामका लागि इजरायललाई आग्रह गर्न अस्वीकार गर्नुभएको छ ।
जोर्डनमा भएको अरब देशका नेताहरुसँगको छलफलपछि उहाँले अरब देशका नेताहरुले तत्काल युद्ध रोक्नुपर्ने बताए पनि त्यो सम्भव नरहेको बताउनुभएको बीबीसीले जनाएको छ । यही अवस्थामा युद्ध रोकेमा विद्रोही समूह हमास पुनः सङ्गठित भएर मध्यपूर्वको शान्ति अवस्थामा अवरोध ल्याइरहने ब्लिङ्केनको भनाइ छ ।
उहाँले अरब देशका नेताहरुसँग इजरायल–हमास युद्धमा सर्वसाधरणको ज्यान जाने क्रम रोक्ने उपाय खोज्नुपर्ने तर हमास विरुद्धको युद्ध रोक्न नहुने बताउनुभयो । अरब देशका नेताहरुले भने इजरायलले युद्ध अपराध गरिरहेको भन्दै यसलाई आत्मरक्षा हो भनेर स्वीकार नगर्ने बताएका बीबीसीले जनाएको छ ।
ब्लिङ्केन इजरायल–हमास युद्ध शुरु भएपछि तेस्रोपटक इजरायल पुगेर अरब देशका नेताहरुसँग छलफल गर्न जोर्डन पुग्नुभएको हो ।
Recent News
-
November 26, 2024काठमाण्डौ उपत्यका र तराईका केही ठाउँमा हल्का हुस्सु
-
November 26, 2024आईपीएल, १३ वर्षका खेलाडी एक करोड १० लाख भारुमा अनुबन्ध
-
November 25, 2024प्रधानमन्त्री ओलीको नजरमा एनपिएलका आठ मार्की खेलाडी
-
November 25, 2024नेप्से परिसूचक दोहोरो अङ्कले बढ्यो
-
November 25, 2024दृष्टिविहीन विश्वकप क्रिकेट : नेपालद्वारा अफगानिस्तान पराजित
