लाओसलाई १–० ले स्तब्ध बनाउँदै नेपाल विश्वकप छनोटको दोस्रो चरणमा प्रवेश
काठमाडौं । विश्वकप फुटबलको छनोटअन्तर्गत पहिलो चरणको होम अवे खेलमा नेपालले लाओसलाई १–० गोलले हराउँद्रै दोस्रो चरणमा पुगेको छ ।
लाओसको राजधानी भियनटियानमा भएको खेलमा नेपालको लागि मनिष डाँगीले दोस्रो हाफको ५३औं मिनेटमा गरेको एकमात्रै गोल निर्णायक बन्यो । मनिषले अञ्जन विष्टको असिस्टमा गोल गरेका थिए ।
यसअघि नेपालको मैदानमा भएको खेल १–१ गोलको बराबरीमा सकिएको थियो । होम अवे मैदानमा हुने खेलमा नेपाल जित्नैपर्ने दबाबमा थियो ।
अन्तर्राष्ट्रिय फुटबलमा लाओसले हालसम्म नेपाललाई हराउन सकेको छैन । तर, गत साता दशरथ रंगशालामा भएको खेलमा लाओसले स्तरीय प्रदर्शन गर्दै सुरुवाती अग्रता लिएको थियो । अञ्जन विष्टले नेपालका लागि बराबरी गोल गरेका थिए ।
विश्वकप छनोटमा नेपाल यसअघि सन् २०१४ र २०२२ मा दोस्रो चरणसम्म पुगेको थियो । नेपालले गत वर्ष आयोजित विश्वकपका लागि भएको छनोट खेलमा दोस्रो चरणमा पुगेर अस्ट्रेलिया, जोर्डन, कुवेत जस्ता टोलीसँग खेल्ने अवसर प्राप्त गरेको थियो ।
Recent News
-
November 25, 2024प्रधानमन्त्री ओलीको नजरमा एनपिएलका आठ मार्की खेलाडी
-
November 25, 2024नेप्से परिसूचक दोहोरो अङ्कले बढ्यो
-
November 25, 2024दृष्टिविहीन विश्वकप क्रिकेट : नेपालद्वारा अफगानिस्तान पराजित
-
November 25, 2024काभ्रेको भुम्लुमा लालपुर्जाको समस्या रहेका बासिन्दासँग पुनः निवेदन माग
-
November 25, 2024चीन भ्रमणमा ऋणसम्बन्धी कुनै सम्झौता हुँदैन : प्रधानमन्त्री
