माओवादी केन्द्रका इन्द्र आङ्बोलाई कोशीमा मुख्यमन्त्री बनाउने गठबन्धनको निर्णय
काठमाण्डौ । कोशी प्रदेशको मुख्यमन्त्रीमा माओवादी केन्द्रका इन्द्र आङ्बोलाई अघि सार्ने सत्ता गठबन्धनले निर्णय गरेको छ ।
आज (बिहिबार) बालुवाटारमा बसेको सत्ता गठबन्धनको बैठकले आङ्बोलाई मुख्यमन्त्री बनाउने निर्णय गरेको हो । कोशी प्रदेश सभा ९३ सदस्यीय छ । बहुमतका लागि ४७ जना प्रदेश सभा सदस्यको साथ चाहिन्छ ।
कोशीमा नेकपा एमालेका ४० जना सांसद छन् । नेपाली कांग्रेसका २९ जना, माओवादी केन्द्रका १३ जना, राष्ट्रिय प्रजातन्त्र पार्टीका ६ जना, नेकपा (एकीकृत समाजवादी) का चार जना, जनता समाजवादी पार्टीका एक जना सांसद छन् ।
संविधानको धारा १६८ (३) अन्तरगत गठन भएको हिक्मत कार्की नेतृत्वको सरकारले असोज २० गते विश्वासको मत पाउन नसक्ने देखिएपछि कार्कीले मुख्यमन्त्रीबाट राजीनामा दिनु भएको थियो ।
उहाँले राजीनामा दिएपछि कोशीमा संविधानको धारा १६८ को उपधारा ५ अनुसार सरकारको दाबी गर्न प्रदेश प्रमुखले असोज २६ गतेसम्म समय दिनु भएको छ ।
Recent News
-
November 25, 2024प्रधानमन्त्री ओलीको नजरमा एनपिएलका आठ मार्की खेलाडी
-
November 25, 2024नेप्से परिसूचक दोहोरो अङ्कले बढ्यो
-
November 25, 2024दृष्टिविहीन विश्वकप क्रिकेट : नेपालद्वारा अफगानिस्तान पराजित
-
November 25, 2024काभ्रेको भुम्लुमा लालपुर्जाको समस्या रहेका बासिन्दासँग पुनः निवेदन माग
-
November 25, 2024चीन भ्रमणमा ऋणसम्बन्धी कुनै सम्झौता हुँदैन : प्रधानमन्त्री
