भूकम्पका कारण बझाङ र अछाममा गरी ७ जना घाइते
काठमाण्डौ । भूकम्पका कारण बझाङ र अछाममा गरी ७ जना घाइते भएका छन् । आज (मङ्गलबार) दिउँसो चैनपुर केन्द्रविन्दु भएर आएको भूकम्पका कारण बझाङमा ६ जना घाइते भएका जिल्ला प्रहरी कार्यालयले जनाएको छ ।
भूकम्पका कारण सुदूरपश्चिमका अन्य जिल्लाहरूमा समेत धक्का महसुस भएको छ । जसअनुसार अछाममा पनि एक जना घाइते भएका हुन् ।
बझाङ सत्यवादी मावि भोपुरका चार विद्यार्थीसहित पाँच जना र केदारस्युँ गाउँपालिकाका एक जना गरी ६ जना घाइते भएका जिल्ला प्रहरी कार्यालयका प्रहरी निरीक्षक (इन्स्पेक्टर) दिपेश चौधरीले जानकारी दिनुभयो । घाइतेहरूको जिल्ला अस्पतालमा उपचार भइरहेको छ ।
भूकम्पका कारण पहिरो गएपछि जयपृथ्वी राजमार्ग अवरुद्ध भएको प्रहरीले जनाएको छ । राजमार्गका ठाउँठाउँमा पहिरो जाँदा गाडी आवतजावत ठप्प भएको हो । भूकम्पबाट क्षतिको विस्तृत विवरण आउन बाँकी छ ।
Recent News
-
November 24, 2024सःशुल्क धरहरा खुलेको पहिलो दिन उठ्यो दुई लाख २० हजार ६५० रुपियाँ राजस्व
-
November 24, 2024उपनिर्वाचनको दिन सार्वजनिक बिदा दिन निर्वाचन आयोगको माग
-
November 24, 2024प्रहरी विधेयक मन्त्रिपरिषदमा पेस
-
November 24, 2024राष्ट्रिय गौरवका आयोजनाका कामलाई गति दिन प्रधानमन्त्रीको चासो
-
November 24, 2024चितवन राष्ट्रिय निकुञ्जमा आउने पर्यटकको सङ्ख्या घटयो
-
November 24, 2024नेपालले शान्ति स्थापनामा हासिल गरेको उपलब्धि अनुकरणीय छ : सभामुख