रास्वपाका मन्त्रीहरूले प्रधानमन्त्री भेट्दै
काठमाण्डौ । राष्ट्रिय स्वतन्त्र पार्टी रास्वपा का मन्त्रीहरूले प्रधानमन्त्री पुष्पकमल दाहाल ‘प्रचण्ड’लाई भेट्न बालुवाटार जाँदैछन्।
पछिल्लो राजनीतिक घटनाक्रम, परिस्थितिबारे छलफल गर्न प्रधानमन्त्री भेट्न जान लागेको रास्वपाका उपसभापतिसमेत रहेका श्रम, रोजगार तथा सामाजिक सुरक्षा मन्त्री डिपी अर्याल डोलप्रसादले अहिले बिहान ८ बजे प्रधानमन्त्रीलाई भेट्ने जानकारी दिनुभयो ।
नेकपा एमाले ले बुधबार सरकारलाई दिएको समर्थन फिर्ता लिइसकेको छ। बुधबार नै एमालेका आठ जना मन्त्रीहरूले सामूहिक राजीनामा दिएका थिए रास्वपाले पनि आजै राजीनामा दिने तयारी गरेको छ। तर प्रधानमन्त्रीसँग छलफल गरेरमात्रै राजीनामाको निष्कर्षमा पुग्ने रास्वपाले बताएको हो।
एमाले र नेपाली कांग्रेसले प्रधानमन्त्री प्रचण्डलाई मार्ग प्रशस्त गर्न आग्रह गरिसकेका छन्। गत सोमबार राति कांग्रेस र एमालेका बीचमा राष्ट्रिय सहमतिको सरकार बनाउने सहमति भएको थियो।।
Recent News
-
March 18, 2025विश्व सामाजिक कार्य दिवस भव्य रूपमा सम्पन्न
-
March 18, 2025मधेश सरकार एसईई प्रक्रियामा सहभागी नहुने
