काठमाण्डौ महानगरपालिकाले गर्यो एक अर्ब १७ करोड रुपैयाँभन्दा धेरैको आम्दानी
काठमाण्डौ । चालु आर्थिक वर्षको दुई महिनामा काठमाण्डौ महानगरपालिकाले एक अर्ब १७ करोड रुपैयाँभन्दा धेरै आम्दानी गरेको छ ।
साउन र भदौमा गरेर एक अर्ब १७ करोड १३ लाख ७५ हजार रुपैयाँ आम्दानी भएको काठमाण्डौ महानगरले जनाएको छ । यो अघिल्लो आर्थिक वर्षको तुलनामा २४ करोड रुपैयाँभन्दा धेरै हो । गएको आर्थिक वर्षको साउन र भदौमा ९३ करोड ४१ लाख रुपैयाँ आम्दानी भएको छ ।
काठमाण्डौ महानगरको आम्दानीको सबैभन्दा ठूलो हिस्सा घरबहाल करको रहेको छ । दुई महिनामा घरबहाल बापत महानगरले ५२ करोड ३५ लाख रुपैयाँ आम्दानी गरेको छ । यस्तै २५ करोड ३१ लाख सम्पत्ति कर, नक्सा पास दस्तुर १४ करोड ३६ लाख, व्यवसाय रजिस्ट्रेशन दस्तुर १३ करोड ७७ लाख, पर्यटन शुल्क एक करोड ५५ लाख, सिफारिस दस्तुर एक करोड ३२ लाख र अन्य सेवा शुल्क शीर्षकमा पाँच करोड ९२ लाख रुपैयाँ आम्दानी भएको छ ।
महानगरले चालु आर्थिक वर्षका लागि २५ अर्ब ५४ करोड ७८ लाख रुपैयाँको बजेट ल्याएको छ ।
Recent News
-
November 27, 2024मेडिकल व्यवसायी दुर्गा प्रसाईंको बन्दी प्रत्यक्षीकरणको रिट खारेज
-
November 27, 2024मेडिकल व्यवसायी दुर्गा प्रसाईंलाई थुनामुक्त गर्न सर्वोच्चद्वारा अस्वीकार
-
November 27, 2024उद्योगमा लाइन नकाट्ने विद्युत् प्राधिकरण सञ्चालक समितिको निर्णय
-
November 27, 2024शेयर बजार ३८ अङ्कले बढेर २७ सय ५५ विन्दुमा पुर्यो
-
November 27, 2024उत्तर र दक्षिण कोरियाको सीमावर्ती क्षेत्रमा ‘लाउडस्पिकर’ युद्ध चर्कियो
-
November 27, 2024प्रधानमन्त्री ओलीलाई ज्यापु दिवसका लागि परम्परागत निमन्त्रणा