कोशी प्रदेशका मुख्यमन्त्री हिक्मत कार्कीविरूद्ध परेको रिट खारेज
काठमाण्डौ । कोशी प्रदेशका मुख्यमन्त्री हिक्मत कार्कीविरूद्ध परेको रिट सर्वोच्च अदालतले खारेज गरेको छ ।
मंगलबार सर्वोच्चका न्यायाधीशहरू कुमार रेग्मी, नहकुल सुवेदी, अब्दुल अजीज मुसलमानको इजलासले रिट खारेज भएको हो ।
निवर्तमान मुख्यमन्त्री केदार कार्कीले हिक्मत कार्कीलाई मुख्यमन्त्री बनाउने निर्णयविरूद्ध सर्वोच्चमा रिट दिनुभएको थियो ।
सर्वोच्च अदालतका सूचना अधिकारी गोविन्दप्रसाद घिमिरेले रिट खारेज भएको र यसको पूर्णपाठ केही दिनमा आउने जानकारी दिनुभयो । गत वैशाख २७ गते निवर्तमान मुख्यमन्त्री कार्कीले हिक्मतको नियुक्ति असंवैधानिक रहेको भन्दै परमादेश माग गर्दै सर्वोच्चमा रिट दिनुभएको थियो ।
उहाँले मुख्यमन्त्री हिक्मत कार्कीलाई मुख्यमन्त्रीको जिम्मेवारीमा कुनै पनि कामकारबाही नगर्न नगराउन र आफूलाई यथावत् रूपमा मुख्यमन्त्रीको जिम्मेवारी वहन गराउन माग गर्दै सर्वोच्चमा दिएको रिट खारेज भएको हो।
Recent News
-
March 17, 2025एपीएफलाई हराउँदै आर्मीको लगातार पाँचौं जीत
-
March 17, 2025सन् २०२४ मा समुद्र सतहमा अनपेक्षित वृद्धि
-
March 17, 2025युक्रेन युद्धबारे ट्रम्पले भाेलि पुटिनसँग कुरा गर्ने
-
March 17, 2025राष्ट्रियसभाबाट तिलगङ्गा विश्वविद्यालय विधेयक पारित
