अवैध नाकाबाट कारोबार हुँदा राजस्वमा चुहावट भएको सांसद बाँस्कोटाको भनाइ
काठमाण्डौ । प्रतिनिधिसभाका सांसद गोकुल बाँस्कोटाले अवैध नाकाहरुबाट कारोबार भएकाले देशको राजस्वमा चुहावट आएको बताउनुभएको छ ।
आज (आइतबार) प्रतिनिधि सभा अन्तर्गतको सार्वजनिक लेखा समितिको बैठकमा बोल्दै सांसद बाँस्कोटाले अवैध नाकाहरुबाट कारोबार भइरहेकाले देशको राजस्वमा चुहावट आएको बताउनुभएको हो । सांसद बाँस्कोटाले वैध नाकाहरुबाट कारोबार कम भइरहेको बताउनुभयो । सानातिना नाकाहरुबाट मालसामान व्यापक रुपमा आइरहेको र तस्करी मौलाइरहेको उहाँले बताउनुभयो ।
त्यसैगरी, उहाँले सार्वजनिक जमिनहरु पनि मिचिइरहेका भन्दै यसतर्फ पनि ध्यान दिनुपर्ने बताउनुभयो । सांसद बाँस्कोटाले ठेक्का लगाएर निर्माण व्यवसायीलाई पैसा नदिने र आयोजनाको म्याद र लागत बढाउने बेथितिको पनि अन्त्य हुनुपर्ने बताउनुभयो ।
Recent News
-
November 24, 2024कर्णाली नदीको सङ्गमस्थल
-
November 24, 2024२ युवतीद्वारा आत्महत्या
-
November 24, 2024भारतीय स्थल सेनाध्यक्ष पाँच दिने नेपाल भ्रमण सकेर स्वदेश फिर्ता
-
November 24, 2024फोहोर व्यवस्थापनको विषयमा राजनीति नगरौँ : उपप्रधानमन्त्री सिंह
-
November 24, 2024काठमाण्डौको सिनामङ्गलमा १ दम्पती मृत भेटिए
