काठमाडौं आउँदै गरेको बस दुर्घटना, ४३ जना घाइते
काठमाण्डौ । काठमाडौं आउँदै गरेको बस रूपन्देहीमा दुर्घटना हुँदा बसमा सवार रहेका ४३ जना घाइते भएका छन्।
दाङबाट काठमाडौंका लागि छुटेको रा १ ख २७८३ नम्बरको बस गए राति ११स्५० बजे रूपन्देहीको सैनामैना नगरपालिका( १० सालझन्डी बजारस्थित पुलमा दुर्घटना भएको प्रहरीले जानकारी दिनुभएको हो।
जिल्ला प्रहरी कार्यालय रूपन्देहीका सूचना अधिकारी डिएसपी मनोहरप्रसाद भट्टका अनुसार बिग्रेर राखेको लु १ ख ६८७ नम्बरको बालुवा बोकेको ट्रकमा ठोक्किएको थियो। दुर्घटनाबाट बसका चालक र यात्रुसहित ४३ जना घाइते भएका छन ।
घाइतेहरूलाई चौराहा हस्पिटल बुटवल, एडमनसिटी हस्पिटल बुटवल र हिराचन्द्र हस्पिटल सालझण्डीमा उपचारका लागि लगिएको छ। आइतबार बिहानसम्म १९ जना डिस्चार्ज भइसकेको र बाँकी २४ जनाको उपचार जारी रहेको डिएसपी भट्टले जानकारी दिनुभयो ।
नाम नखुलेको बसका सहचालक गम्भीर घाइते छन्। उनको चौराहा हस्पिटलमा उपचार भइरहेको छ। यसबारे थप अनुसन्धान भइरहेको प्रहरीले जनाएको छ।
Recent News
-
March 16, 2025वीरगञ्जमा गर्मी लागेसँगै लामखुट्टेको समस्या
-
March 16, 2025दाङमा ट्याक्टर घरभित्र पसेर ठक्कर दिंदा ५ जना घाइते
-
March 16, 2025वुमन्स डे कप टी-२० को फाइनल आज
-
March 16, 2025मर्स्याङ्दी जलविद्युत् केन्द्रको उत्पादन घट्यो
-
March 16, 2025होली खेल्ने क्रममा छुरा प्रहार, १ युवकको मृत्यु
