गैह्रीगाँउ सामूहिक हत्याकाण्ड : अनुसन्धान गर्न ५ सदस्यीय समिति गठन
काठमाण्डौ । गएराति मध्यरातमा काठमाण्डौको तिनकुनेस्थित गैह्रीगाउँमा भएको सामूहिक हत्याकाण्डको अनुसन्धान गर्न गृह मन्त्रालयले ५ सदस्यीय अनुसन्धान समिति गठन गरेको छ ।
काठमाण्डौं उपत्यका अपराध अनुसन्धान कार्यालयका प्रहरी वरिष्ठ उपरीक्षक सोमेन्द्र सिंह राठौरको संयोजकत्वमा समिति गठन गरिएको हो ।
तीनकुनेस्थित दिव्या सःमिल भित्र काठले बनेको एकतले जस्ताको टहरामा धारिलो हतियार प्रहार गरि ४ जनाको हत्या भएको थियो ।
सःमिलका सुरक्षागार्ड दोलखाका ५५ वर्षीय कुमार भुजेलसहित उनकी श्रीमती ५२ वर्षीय अम्बिका भुजेल, कुमारकी आमा ७६ वर्षीया शुभद्रा भुजेल र मोरङ बेलबारीका २० वर्षीय नवीन राईको हत्या भएको थियो ।
उक्त घटनाको सम्बन्धमा अनुसन्धानका विविध विधि लगायतको अधिकतम प्रयोग गरी सुक्ष्म तवरले अनुसन्धान गरी यथाशिघ्र प्रतिवेदन पेश गर्न मन्त्रालयले अनुरोध गरेको छ ।
यस्तै प्रहरीले थप चार जना शंकास्पद व्यक्तिलाई नियन्त्रणमा लिएको छ । प्रहरीले उनीहरूको परिचय खुलाएको छैन ।
Recent News
-
November 24, 2024चितवन राष्ट्रिय निकुञ्जमा आउने पर्यटकको सङ्ख्या घटयो
-
November 24, 2024नेपालले शान्ति स्थापनामा हासिल गरेको उपलब्धि अनुकरणीय छ : सभामुख
-
November 24, 2024उपनिर्वाचनका लागि सेना परिचालन गर्न राष्ट्रपतिको स्वीकृति
-
November 24, 2024राष्ट्रपतिद्वारा प्रतिनिधि सभाका सचिव अधिकारीको राजीनामा स्वीकृत
-
November 24, 2024मेडिकल कलेजमा पिजीको विवाद मिलाउन प्रधानमन्त्री ओलीको निर्देशन
-
November 24, 2024भारतले अस्ट्रेलियालाई दियो ५ सय ३४ रनको लक्ष्य दियो