ललितपुरको रातो मच्छिन्द्रनाथको रथयात्रा आजदेखि नियमित हुँदै
काठमाण्डौ । ललितपुरको रातो मच्छिन्द्रनाथको रथयात्रा आजदेखि नियमित हुँदैछ ।
ओकुबहालबाट लगनखेलसम्म तान्ने क्रममा रथ ढल्किएपछि ललितपुर गुठी संस्थानले हिजो एकदिन रथयात्रा रोकेर रथ मर्मत गरेको थियो । मर्मतको काम सकिएकाले आजदेखि रथयात्रा नियमित हुन लागेको रथ निर्माणमा संलग्न दिलकुमार बाराहीले जानकारी दिनुभयो । उहाँकाअनुसार आज दिउँसो ४ बजे थपाहितीबाट रथ मात्र तान्न शुरु हुनेछ ।
अघिल्लो शनिवार पुल्चोकबाट रथ तान्न शुरु भएको हो । अहिलेसम्म रथलाई गाबहाल, महापाल, मङ्गलबजार, सुन्धारा, ओकुबहाल हुँदै थपाहितिसम्म तानिएको छ । अब थपाहितिबाट रथ तानेर लगनखेल, इटिटोल, जावलाखेलसम्म पु¥याउन बाँकी छ । रथलाई जावलाखेलमा पु¥याएर भोटो देखाएपछि जात्रा समापन हुन्छ ।
Recent News
-
February 6, 2025बैंक ग्यारेन्टी बुझाएर रवि हिरासतमुक्त
-
February 6, 2025रवि लामिछानेलाई ५४ लाख धरौटीमा छाड्न चितवन अदालतको आदेश
-
February 6, 2025थाइल्यान्डको पहिलो हार, नेदरल्यान्ड्ससँग १ विकेटले पराजित
