कोशी सरकारविरुद्ध परेको रिटमा आज हुने भनेको सुनुवाइ स्थगित
काठमाण्डौ । कोशी सरकारविरुद्ध परेको रिटमा आज शुक्रवार हुने भनेको सुनुवाइ स्थगित भएको छ । न्यायाधीश ईश्वरप्रसाद खतिवडाले रिट हेर्न नमानेपछि सुनुवाइ स्थगित भएको सर्वोच्च अदालतले जनाएको छ ।
विश्वासको मत लिँदा प्रदेशसभाको अध्यक्षता गरेका प्रदेशसभा सदस्यले समेत मत दिएपछि कोशी प्रदेशका मुख्यमन्त्री उद्धव थापाले असंवैधानिक रूपमा विश्वासको मत लिएको भन्दै सर्वोच्च अदालतमा रिट परेको थियो ।
आज उब्त रिट निवेदन न्यायाधीशद्वय ईश्वरप्रसाद खतिवडा र सुष्मालता माथेमाको इजलासमा परेको थियो । तर न्यायाधीश खतिवडाले हेर्न नमानेपछि सुनुवाइ स्थगित भएको हो ।
गत भदौ ७ गते खतिवडाको इजलासले प्रदेशसभा बैठकको अध्यक्षता गरेको व्यक्तिले विश्वासको प्रस्तावमा मत दिनु असंवैधानिक भएको भन्दै कोशी सरकारलाई दीर्घकालीन र नीतिगत निर्णय नगर्न आदेश दिएको थियो ।
अन्तरिम आदेशसँगै आजका लागि पेसी तोकिएको थियो ।
Recent News
-
November 24, 2024भारतको महाराष्ट्रमा सत्तारुढ भाजपा नेतृत्वको गठबन्धनलाई अत्यधिक बहुमत
-
November 24, 2024आजदेखि धरहरा चढ्न शुल्क तिर्नुपर्ने
-
November 24, 2024कोप २९ : गरिब देशलाई वर्षेनि ३ सय विलियन डलर दिन धनी देशहरु सहमत
-
November 24, 2024सुनको मुल्य आज एकैदिन तोलामा १ हजार ७ सय रुपैयाँले बढ्यो
