कोशी र गण्डकीको हिमाली एक/दुई ठाउँमा हल्का वर्षा र हिमपातको सम्भावना
काठमाण्डौ । आज बिहान तराईका भू–भाग, उपत्यका तथा खोँचहरूका थोरै ठाउँमा हुस्सु/कुहिरो लागेको छ ।
दिउँसो कोशी, बागमती, गण्डकी र लुम्बिनी प्रदेशको हिमाली र पहाडी भागमा आंशिक बादल लागेपनि बाँकी भागमा मौसम मूख्यतया सफा रहने अनुमान छ ।
आज कोशी र गण्डकीकोे हिमाली एक/दुई ठाउँमा हल्का वर्षा र हिमपातको सम्भावना रहेको मौसम पूर्वानुमान महाशाखाले जनाएको छ ।
महाशाखाका अनुसार भोलि बिहीबारदेखि भने केही दिन पानी पर्ने सम्भावना छैन । शनिबारसम्म पहाडी र हिमाली भागमा आंशिक बादल लागेपनि पानी पर्ने सम्भावना भने नरहेको महाशाखाले जनाएको छ ।

