• September 1, 2026

रसुवा बाढीः ९८७ को मृत्यु, तीन हजार ९१६ सम्पर्कविहीन

काठमाडौँ  । रसुवा बाढीमा परी हालसम्म ९८७ जनाको मृत्यु भएको राष्ट्रिय विपद् जोखिम न्यूनीकरण तथा व्यवस्थापन प्राधिकरणको विवरणले देखाएको छ । प्राधिकरणले मङ्गलबार बिहान ९ बजेसम्म सार्वजनिक गरेको तथ्याङ्कअनुसार  विपदबाट ठुलो मानवीय तथा भौतिक क्षति भएको हो ।

प्राधिकरणका अनुसार विपदमा हालसम्म २७९ जना घाइते भएका छन् भने तीन हजार ९१६ जना सम्पर्कविहीन रहेका छन् । विभिन्न स्थानबाट घाइतेको उद्धार गरी उपचार गरिएको र केही उपचारपछि डिस्चार्ज भइसकेका छन् ।

११ हजारभन्दा बढीको उद्धार
विपदमा फसेका नागरिकको खोज तथा उद्धार कार्यलाई तीव्र पारिएको छ। प्राधिकरणको विवरणअनुसार हालसम्म ११ हजार ८१४ जनाको उद्धार गरिएको छ। उद्धार कार्यमा नेपाली सेना, नेपाल प्रहरी, सशस्त्र प्रहरी तथा स्थानीय तहलगायतका सुरक्षा तथा उद्धार संयन्त्र परिचालन भएका छन् ।

हवाई उद्धारअन्तर्गत नेपाली सेनाका हेलिकोप्टरबाट विदेशी पर्यटकसहित प्रभावित नागरिकको उद्धार गरिएको विवरणसमेत प्राधिकरणले सार्वजनिक गरेको छ ।

सुरक्षा निकायका हजारौँ जनशक्ति परिचालन
विपद् प्रभावित क्षेत्रमा नेपाली प्रहरी, नेपाली सेना र सशस्त्र प्रहरी बल नेपालका हजारौँ सुरक्षाकर्मी परिचालन गरिएको छ । उनीहरूले खोज, उद्धार, घाइतेको उपचार तथा राहत वितरणमा सहयोग गरिरहेका छन् ।

राहत वितरण जारी
विपद् प्रभावित परिवारलाई खाद्यान्न तथा अन्य आवश्यक राहत सामग्री वितरण भइरहेको छ । विभिन्न स्थानमा राहत सामग्री पुर्‍याउनुका साथै विस्थापितलाई सुरक्षित स्थानमा राख्ने व्यवस्था मिलाइएको प्राधिकरणले जनाएको छ ।

यसैबिच विपदबाट प्रभावित क्षेत्रमा सडक, सञ्चार, विद्युत् तथा अन्य पूर्वाधारमा समेत क्षति पुगेको छ । क्षतिग्रस्त संरचनाको पुनःस्थापना तथा अवरुद्ध सेवा सञ्चालनका लागि सम्बन्धित निकायले काम गरिरहेका छन् ।

सरकारले विपद् प्रभावितको खोज तथा उद्धार, उपचार, राहत र पुनःस्थापनालाई प्राथमिकतामा राखेको जनाएको छ । राष्ट्रिय विपद् जोखिम न्यूनीकरण तथा व्यवस्थापन प्राधिकरणले पनि प्रभावित क्षेत्रमा आवश्यकताअनुसार उद्धार तथा राहत परिचालन भइरहेको जनाएको छ ।