शेयर बजार आज सामान्य बढ्यो
काठमाण्डौ । लगातार ४ कारोबार दिन घटेको शेयर बजार आज सामान्य बढेको छ । शेयर बजार परिसूचक नेप्से आज २ दशमलव ५७ अङ्कले बढेर २ हजार ७३६ दशमलव १७ विन्दुमा कायम भएको छ ।
आज बैंक समूहको सूचक स्थिर रहेको छ । यस्तै विकास बैंक, फाइनान्स, होटल तथा पर्यटन, जलविद्युत्, उत्पादन तथा प्रशोधन र म्युचल फन्ड बाहेक सबै समूहका सूचक सामान्य घटेका छन् ।
आज १२७ वटा कम्पनीको शेयर बढेकामा १३४ वटाका घटेका छन् । यस्तै १० वटा कम्पनीका शेयर भने घटबढ भएका छैनन् ।
आज कालिञ्चोक हाइड्रोपावर, सोपान फर्मास्युटिकल्स र अपोलो हाइड्रोपावरको शेयर १५ प्रतिशतले बढेको छ । बजार सामान्य उकालो लागेको दिन प्रभु बैंकको डिबेन्चर २०८६ साढे ८ प्रतिशतभन्दा धेरैले घटेको छ ।
आज नेप्से बढे पनि कारोबार रकम भने घटेको छ । हिजो ६ अर्ब ४४ करोडको कारोबार भएकोमा आज ३५६ वटा कम्पनीका ९२ लाख ८३ हजार कित्ता शेयर ४ अर्ब २९ करोड रुपैयाँमा किनबेच भएको छ ।
Recent News
-
June 10, 2026शेयर बजार आज सामान्य बढ्यो
-
June 10, 2026विपक्षी दलहरूले पराष्ट्रमन्त्री खनाललाई सदनमा बोल्न दिने
-
June 10, 2026कर दर हेरफेर अधिकार सरकारसँग छ : अर्थमन्त्री वाग्ले
