एमाले केन्द्रीय कमिटी बैठकको तेस्रो दिन आज पनि सदस्यहरूले धारणा राख्ने
काठमाण्डौ । एमालेको जारी केन्द्रीय कमिटी बैठकको तेस्रो दिन आज पनि केन्द्रीय सदस्यहरूले पार्टी अध्यक्ष केपी शर्मा ओलीले प्रस्तुत गरेको राजनीतिक प्रतिवेदनमाथि धारणा राख्ने भएका छन् ।
पार्टीको प्रचार तथा प्रकाशन विभागका प्रमुख निरज आचार्यका अनुसार बैठकको दोस्रो दिनसम्म ११८ जना केन्द्रीय सदस्यले अध्यक्ष ओलीको प्रतिवेदनमाथि आफ्नो धारणा राखिसकेका छन् । आज बाँकी सदस्यहरूले धारणा राख्ने क्रम पूरा गर्ने तयारी छ ।
बैठकमा प्रत्येक केन्द्रीय सदस्यलाई धारणा राख्न तीन मिनेटको समय उपलब्ध गराइएको छ । बैठकमा पार्टीका विभिन्न नौवटा एजेन्डामाथि छलफल भइरहेको छ।
आज सबै केन्द्रीय सदस्यले धारणा राखिसकेपछि भोलि पार्टी सचिवालयको बैठक बस्ने तयारी छ ।
एमालेको जारी बैठकमा केन्द्रीय सदस्य मनोनयनका साथै पोलिटब्युरो र स्थायी कमिटी गठनलगायतका एजेन्डामाथि पनि छलफल भइरहेको छ ।
Recent News
-
September 23, 2026एमाले केन्द्रीय कमिटी बैठकको तेस्रो दिन आज पनि सदस्यहरूले धारणा राख्ने
-
September 23, 2026प्रधानमन्त्री शाह अमेरिका प्रस्थान, यस्तो छ न्युयोर्क भ्रमणको तालिका
-
September 23, 2026फिनल्यान्ड र नर्वेले अघि सारेको एआई नियन्त्रण आह्वानको गुटेरेसद्वारा स्वागत
-
September 23, 2026कोशी र बागमती प्रदेशका पहाडी भू–भागमा भारी वर्षाको सम्भावना
-
September 23, 2026प्रतिनिधि सभाको बैठक आज-पनि बस्दै (कार्यसूचीसहित)
-
September 22, 2026प्रधानमन्त्री शाह आज अमेरिका जाँदै, पर्सि ८ गते सम्बोधन गर्ने तालिका