गोली प्रहारबाट रौतहटमा २८ वर्षीय युवक घाइते
एजेन्सी । अज्ञात व्यक्तिले गोली प्रहार गर्दा रौतहटमा एक युवक घाइते भएका छन् । गौर नगरपालिका–४ गडवा टोलस्थित पानी ट्याङ्की नजिक मंगलबार राति भएको घटनामा २८ वर्षीय राकेश यादव घाइते भएका हुन् ।
गोली लागेर घाइते भएका यादवको प्रादेशिक अस्पताल गौरमा उपचार गरिएको थियो । थप उपचारका लागि उनलाई वीरगञ्ज पठाइएको जिल्ला प्रहरी कार्यालय रौतहटले जनाएको छ ।
जिल्ला प्रहरी कार्यालयका सूचना अधिकारी एवं प्रहरी नायब उपरीक्षक वसन्त गौतमका अनुसार घटनामा संलग्न व्यक्तिहरूको खोजी भइरहेको छ ।
गोली प्रहारको कारण र घटनामा संलग्न व्यक्तिहरूको पहिचान खुल्न नसकेको प्रहरीले जनाएको छ । घटनाबारे थप अनुसन्धान भइरहेको छ ।
Recent News
-
November 4, 2026शैक्षिक प्रमाणपत्र अब हुलाक सेवामार्फत विद्यार्थीको हातमा पुर्याइने
-
November 4, 2026गोली प्रहारबाट रौतहटमा २८ वर्षीय युवक घाइते
-
November 4, 2026कोशी र गण्डकीका हिमाली र पहाडी एक/दुई ठाउँमा हल्का वर्षाको सम्भावना
-
November 3, 2026आज र भोलि देशभर बालबालिकालाई भिटामिन ‘ए’ र जुकाको औषधि खुवाइँदै
