आज देशका धेरैजसो भागमा पानी पर्ने सम्भावना
काठमाण्डौ । मौसम पूर्वानुमान महाशाखाका अनुसार आज देशका धेरैजसो भागमा पानी पर्ने सम्भावना रहेको छ । गएराति देशको पूर्वी तथा मध्य भेगमा पानी परेको छ ।
महाशाखाका अनुसार भोलिदेखि लुम्बिनी र सुदूरपश्चिमबाहेकका तराई भेगमा तापक्रम क्रमशः घट्ने सम्भावना छ । पानी परेकाले अब केही दिन गर्मी घट्दै जाने मौसम पूर्वानुमान महाशाखाले जनाएको छ ।
आज कोशी, बागमती र गण्डकी प्रदेशमा बदली भई हिमाली र पहाडी क्षेत्रका थोरै ठाउँ, मधेश प्रदेश र बाँकी हिमाली भेगका एक–दुई ठाउँमा मेघ गर्जन/चट्याङ्ग सहित हल्का वर्षा र हिमपातको सम्भावना छ ।
हिजो नेपालगञ्ज, दिपायल र धनगढीमा सबैभन्दा बढी गर्मी भएको छ । नेपालगञ्जको तापक्रम ४० दशमलव ८ डिग्री र धनगढी र दिपायलमा ३९ डिग्री सेल्सियस मापन भएको छ ।
Recent News
-
June 9, 2026आज देशका धेरैजसो भागमा पानी पर्ने सम्भावना
-
June 8, 2026नागढुङ्गा–नौबिसे सुरुङमार्ग साउनदेखि सञ्चालनमा आउँदै
-
June 8, 2026शेयर बजार दोहोरो अङ्कले घट्यो
