नवनिर्वाचित सांसदहरूको शपथ यही चैत १२ मा गराउने
काठमाण्डौ । नवनिर्वाचित प्रतिनिधिसभा सदस्यहरूको शपथ यही चैत १२ मा गराउने तयारी भएको छ ।
समानुपातिकतर्फ निर्वाचित सदस्यहरूलाई बिहीबार निर्वाचन आयोगले निर्वाचित भएको प्रमाणपत्र दिँदैछ । बिहीबार नै निर्वाचन प्रतिवेदन राष्ट्रपति कार्यालयमा बुझाउने तयारी पनि छ । यसको जानकारी आयोगले संघीय संसद् सचिवालयलाई पनि गराउँछ ।
निर्वाचन आयोगबाट जानकारी प्राप्त भएसँगै शपथका लागि मिति सार्वजनिक गर्ने तयारीमा रहेको संघीय संसद् सचिवालयका सहसचिव एवं प्रवक्ता एकराम गिरीले जानकारी दिनुभयो । उहाँका अनुसार यी लगायतका विषय संसद्मा प्रतिनिधित्व गर्ने राजनीतिक दलका प्रतिनिधिहरूसँग छलफल समेत गरिँदैछ ।
उहाँका अनुसार चैत १२ गते शपथ गराउने तयारी छ ।
Recent News
-
March 18, 2026वर्तमान संविधानप्रति प्रतिवद्ध रहेको रवि लामिछानेको दाबी
-
March 18, 2026नवनिर्वाचित सांसदहरूको शपथ यही चैत १२ मा गराउने
-
March 18, 2026भेडेटार-रवि-राँके सडक आजदेखि सञ्चालनमा
