मेडिकल राहतसहित नेपाली सेनाको चिकित्सकीय टोली म्यानमार प्रस्थान
काठमाण्डौ । मेडिकल राहतसहित नेपाली सेनाको टोली भूकम्प प्रभावित म्यानमार प्रस्थान गरेको छ । गएको शुक्रबार आएको भूकम्पका कारण भएको व्यापक जनधनको क्षतिपछि नेपाल सरकारको निर्णय बमोजिम मेडिकल राहतसहित नेपाली सेनाको टोली आज म्यानमार प्रस्थान गरेको हो ।
प्रमुख सेनानी रामचन्द्र श्रेष्ठको नेतृत्वमा १२ जना चिकित्सकीय टोली, चार जना बन्दोबस्ती सहायता टोली, ६ जना चालक दलका सदस्यसहित सेनाको सीएन–२३५ कासा विमानमार्फत म्यानमार प्रस्थान गरेको छ ।
विभिन्न प्रकृतिका आवश्यक औषधि एवम् उपकरणसहित टोलीमा सर्जन, अर्थोपेडिक, मेडिसिन चिकित्सक, नर्स तथा प्यारामेडिकहरू संलग्न छन् । यो टोलीले झण्डै एक हप्ता भूकम्पमा परी घाइते भएकाहरूको स्वास्थ्य उपचारमा खटिई सेवा प्रदान गर्ने सेनाले जनाएको छ ।
Recent News
-
April 7, 2025आज शेयर बजार उच्च अङ्कले घट्यो : कारोबार रकम पनि घट्यो
