२५ करोड रुपैयाँभन्दा धेरै रकमसहित काठमाण्डौमा १ जना पक्राउ
काठमाण्डौ । प्रहरीले २५ करोड रुपैयाँभन्दा धेरै रकमसहित एक जनालाई पक्राउ गरेको छ । काठमाण्डौ उपत्यका अपराध अनुसन्धान कार्यालय टेकुको टोलीले टोखा नगरपालिका-१ झोर क्षेत्रबाट रकमसहित गएराति एक जनालाई पक्राउ गरेको हो ।
पक्राउ परेका व्यक्तिलाई आज सार्वजनिक गरिएको कार्यालयका प्रमुख एवम् प्रहरी वरिष्ठ उपरीक्षक (एसएसपी) रमेश बस्नेतले जानकारी दिनुभयो । उहाँँका अनुसार चीनतर्फ तस्करी हुँदै गरेको विदेशी मुद्रासहित सिन्धुपाल्चोकको भोटेकोशी गाउँपालिका वडा नम्बर १ बस्ने ४३ वर्षका फुच्चे भन्ने कुसाङ लामा पक्राउ परेका हुन् ।
ना १ ख १६५२ नम्बरको ट्रकबाट नेपाली रुपैयाँ, अमेरिकी डलर, युरोलगायत विभिन्न देशका मुद्रा बरामद गरिएको एसएसपी बस्नेतले बताउनुभयो । बरामद गरिएको विदेशी मुद्रा नेपाली रुपैयाँमा ल्याउँदा २५ करोड रुपैयाँभन्दा धेरै हुने प्रहरीले जनाएको छ ।
Recent News
-
March 18, 2025विश्व सामाजिक कार्य दिवस भव्य रूपमा सम्पन्न
-
March 18, 2025मधेश सरकार एसईई प्रक्रियामा सहभागी नहुने
