एपीएफलाई २ विकेटले हराउँदै पुलिसको लगातार तेस्रो जीत
काठमाण्डौ । प्रधानमन्त्री कप एकदिवसीय पुरुष राष्ट्रिय क्रिकेट प्रतियोगितामा नेपाल पुलिस क्लबले सशस्त्र प्रहरी बलको एपीएफ क्लबलाई २ विकेटले हराएको छ ।
एपीएफले दिएको ९५ रनको लक्ष्य पुलिसले १ सय ४२ बलअघि ८ विकेट गुमाएर भेटायो । पुलिसका कुशल भुर्तेलले ३१ रन बनाए । एपीएफका भुवन कार्कीले ३ विकेट लिए ।
यसअघि दाङको देउखुरी रङ्गशालामा टस जितेर ब्याटिङ गरेको एपीएफ २७ ओभर ४ बलमा ९४ रनमा अलआउट भयो । एपीएफका सन्दीप जोराले सबैभन्दा धेरै २६ रन बनाए । पुलिसका ललित राजवंशीले ६ विकेट लिए ।
प्रतियोगितामा पुलिसको यो लगातार तेस्रो जीत हो भने एपीएफको तीन खेलमा दोस्रो हार हो ।
Recent News
-
March 14, 2025रुस र युक्रेनद्वारा एकअर्कामाथि ड्रोन आक्रमणलाई निरन्तरता
-
March 14, 2025रुखले च्यापिएर दैलेखमा २ जनाको मुत्यु
