सात महिनामा पौने १५ अर्ब रुपैयाँको विद्युतीय गाडी आयात
काठमाण्डौ । चालु आर्थिक वर्षको सात महिनामा पौने १५ अर्ब रुपैयाँको विद्युतीय सवारी (ईभी) आयात भएको छ ।
साउनदेखि माघसम्म १४ अर्ब ७५ करोड रुपैयाँको विद्युतीय कार, जीप र भ्यान आयात भएको भन्सार विभागले जनाएको छ । विभागका अनुसार यस अवधिमा ६ हजार दुई सय ५६ वटा विद्युतीय गाडी आयात भएको हो ।
यसबाट नाै अर्ब आठ करोड ४२ लाख रुपैयाँ राजस्व सङ्कलन भएको छ । नेपालमा विशेषगरी चीन, भारत, अमेरिका, जर्मनी र दक्षिण कोरियाबाट विद्युतीय गाडी आयात हुने गरेको छ ।
विभागका अनुसार कुल विद्युतीय गाडी आयातको ८० प्रतिशत हिस्सा चीनले ओगटेको छ । चीनबाट ११ अर्ब ८७ करोड रुपैयाँ बराबरका चार हजार सात सय ६९ वटा विद्यतुीय गाडी आयात भएको छ ।
त्यस्तै सात महिनामा भारतबाट दुई अर्ब ६९ करोड रुपैयाँको एक हजार चार सय ५९ वटा, जर्मनीबाट १४ करोड रुपैयाँको १० वटा, अमेरिकाबाट दुई करोड १४ लाख रुपैयाँभन्दा बढीको पाँच वटा तथा दक्षिण कोरियाबाट दुई करोड रुपैयाँभन्दा बढीको तीन वटा विद्युतीय गाडी आयात भएको विभागले जनाएको छ ।
Recent News
-
February 22, 2025बालकोटको घर हाम्रो पसिना र मेहनतबाट बनेको हो : प्रथम महिला शाक्य
-
February 22, 2025अमेरिकामा संघीय कर्मचारीलाई निकालेको विरुद्धमा र्याली
-
February 22, 2025चितवन राष्ट्रिय निकुञ्जको खोरमा रहेका बाघ पाल्न खर्च अभाव
-
February 22, 2025प्रथम महिला राधिका शाक्यको आत्मकथा ‘करुणा’ लोकार्पण
-
February 22, 2025आज रिहा गर्ने भनिएका छमध्ये २ इजरायली बन्धक रिहा
