जनयुद्धका नाममा माओवादीले थोपरेको हिंसाले देश बीसौं वर्ष पछाडि धकेलियो :महामन्त्री गगन थापा
पाल्पा । नेपाली कांग्रेसका महामन्त्री गगन कुमार थापाले नेपालको राजनीतिमा २००७ सालपछिको ६० वर्ष राजाको शासक बन्ने आकांक्षा र माओवादीको अनावश्यक हिंसाका कारण देशले दुःख पाएको टिप्पणी गर्नुभयो ।
एमालेले हिंसा शब्द प्रयोग गर्दा माओवादीले आपत्ति जनाइरहेका बेला कांग्रेस महामन्त्रीले पनि माओवादी हिंसाका कारण देशको प्रगति २० वर्ष पछि परेको बताउनुभयो ।
पाल्पाको पुर्वखोलामा बुधवार आयोजित कार्यक्रमलाई सम्बोधन गर्दै महामन्त्री थापाले २०१७ सालमा राजा महेन्द्रले जननिर्वाचित सरकार अपदस्थ गरेर प्रजातन्त्र हरण गर्नाले ३० वर्ष देश पछि परेको बताउनुभयो ।
थापाले भने-एकातिर त्यसरी हामीले ३० वर्ष संघर्षमा बितायौं । अर्कोतिर प्रजातन्त्र स्थापना हुनासाथ माओवादीले जनयुद्धका नाममा थोपरेको हिंसाले गर्दा देश बिसौं वर्ष पछि परेको यथार्थ हो । महामन्त्री थापाले कांग्रेसले मिसन ८४ भन्ने अधिकार नरहेको भन्दै यो ३ वर्षको अवधिमा आफ्ना बाचा पूरा गर्नुपर्ने बताउनुभयो ।
Recent News
-
February 22, 2025बालकोटको घर हाम्रो पसिना र मेहनतबाट बनेको हो : प्रथम महिला शाक्य
-
February 22, 2025अमेरिकामा संघीय कर्मचारीलाई निकालेको विरुद्धमा र्याली
-
February 22, 2025चितवन राष्ट्रिय निकुञ्जको खोरमा रहेका बाघ पाल्न खर्च अभाव
-
February 22, 2025प्रथम महिला राधिका शाक्यको आत्मकथा ‘करुणा’ लोकार्पण
-
February 22, 2025आज रिहा गर्ने भनिएका छमध्ये २ इजरायली बन्धक रिहा
