हमासद्वारा गाजाबाट थप तीन जना इजरायली बन्धक मुक्त
एजेन्सी । प्यालेस्टिनी विद्रोही समूह हमासले गाजाबाट थप तीन जना इजरायली बन्धक मुक्त गरेको छ । युद्धविराम लागू भएपछिको पाँचौँ पटकमा छाडिएका उनीहरू सबै सर्वसाधारण हुन् । मुक्त भएका एली शराबी, ओहाद बेन अमी र अर लेभी सन् २०२३ को अक्टोबर ७ मा हमासले गरेको हमलाका बेला बन्धक बनाएर गाजा पुर्याइएका थिए ।
युद्धविराम सम्झौता अनुसार इजरायलले तीन जनाको बदलामा आजै एक सय ८३ जना प्यालेस्टिनी बन्दीहरूलाई छाड्दैछ । गएको जनवरी १९ मा इजरायल र हमासबीच युद्धविराम सम्झौता भएयता गाजाबाट २१ जना बन्धकहरू र इजरायलबाट तीन सय ८३ जना प्यालेस्टिनी बन्दीहरू रिहा भएका छन् ।
अबको तीन हप्तामा सकिने युद्धविरामको पहिलो चरणको अन्त्यसम्ममा झन्डै ३३ जना बन्धक र एक हजार नौ सय प्यालेस्टिनीहरू छाडिनेछन् । इजरायलले ३३ जना बन्धकमध्ये आठ जनाको ज्यान गएको दाबी गरेको छ । तर हमासले प्रतिक्रिया दिएको छैन ।
तस्वीर: एजेन्सी
Recent News
-
February 25, 2025आज र भोलि देशका धेरै ठाउँको मौसम सफा
-
February 25, 2025प्रख्यात भाषाविद् चुडामणि गौतमको निधन
-
February 25, 2025हल्ट प्राइज एट शंकर देव क्याम्पसको ग्रान्ड फिनाले सम्पन्न
-
February 25, 2025टेक्नो स्मार्टफोनमा डीपसीक एलएलएमः अब झन् स्मार्ट र शक्तिशाली हुने
-
February 25, 2025भारत र बेलायतबीच स्वतन्त्र व्यापार सम्झौतासम्बन्धी वार्ता फेरि शुरू
