पोखरा गोल्डकपको पहिलो क्वाटरफाइनलमा आज पुलिस र ब्रिगेड ब्वाइज युके खेल्दै
काठमाण्डौ । पोखरा गोल्डकप फुटबल प्रतियोगितामा आजदेखि क्वाटरफाइनलको खेल सुरु हुँदैछ।
पहिलो क्वाटरफाइनलमा आज विभागीय टोली नेपाल पुलिस क्लब र ब्रिगेड ब्वाइज क्लब युकेले खेल्दैछन् । खेल पोखरा रङ्गशालामा दिउँसो २ बजे सुरु हुनेछ ।
यसअघि हिजो भएको अन्तिम प्रि–क्वाटरफाइनलको खेलमा दुई पटकको विजेता सङ्कटा क्लबलाई हराउँदै भारत सिक्किमको थन्डरबोल्ट नर्थ युनाइटेड अन्तिम आठमा पुग्यो ।
सङ्कटा थन्डरबोल्टसँग ३–१ ले पराजित भयो । योसँगै तीन वटा पूर्व विजेता टोली आयोजक सहारा क्लब, एपीएफ र सङ्कटा यस पटकको पोखरा गोल्डकपबाट बाहिरिसकेका छन् ।
थन्डरबोल्टले क्वाटरफाइनलमा उज्वेकिस्तानको ब्ल्याक बुल्स एफसीसँग खेल्नेछ । ब्ल्याक बुल्स हिजो नेपाल आइपुगेको छ ।
२४ औं संस्करणको पोखरा गोल्डकपको फाइनल खेल आउँदो फागुन ३ गते हुनेछ । प्रतियोगिताको विजेताले १२ लाख १ हजार रुपैयाँ र उपविजेताले ६ लाख १ हजार रुपैयाँ पुरस्कार पाउनेछन् ।
Recent News
-
February 25, 2025श्रम स्वीकृति लिएर मात्र वैदेशिक रोजगारीमा जान आग्रह
-
February 25, 2025नेपाल–इटाली सहकार्यलाई दिगो रूपमा विस्तार गर्नुपर्नेमा जोड
-
February 25, 2025इन्स्पेक्टर सन्तोषी मृत्यु प्रकरण: सशस्त्रकै इन्स्पेक्टर जोशी पक्राउ
-
February 25, 2025काभ्रेमा बस दुर्घटना, १७ जना घाइते
-
February 25, 2025नेपाल बीमा प्राधिकरणको अध्यक्षमा शरद ओझा नियुक्त
