जिल्ला मालपोत कार्यालयका कर्मचारीले २ महिनादेखि तलब पाएनन्
लमजुङ । जिल्ला मालपोत कार्यालय लमजुङमा कार्यालय प्रमुख नहुँदा सेवा प्रभावित भएको छ । नामसारी, घरजग्गासम्बन्धी अन्य काम एवम् आर्थिक कारोबारलगायत रोकिएको छ । कर्मचारीले पनि २ महिनादेखि तलब पाएका छैनन् ।
बेँसीशहर नगरपालिका–८ फुलबारी चोकमा रहेको कार्यालय प्रमुखविहीन हुँदा कर्मचारीले पुस र माघ महिनाको तलब पाउन सकेका छैनन् ।
गएको मङ्सिरमा कार्यालय प्रमुखका रूपमा पुगेका भीष्मकुमार मल्ल पुस १४ गते नै सरुवा भएपछि पोखराबाट रामचन्द्र अधिकारीलाई प्रमुखका रूपमा तोकिएको थियो । तर अधिकारी अहिलेसम्म कार्यालय पुग्नुभएको छैन ।
त्यसअघि पनि पटक-पटक मालपोत कार्यालय प्रमुखविहीन भएको थियो । कार्यालय प्रमुख नहुँदा सेवाग्राहीले समस्या भोग्नुपरेको निमित्त प्रमुख पूर्णबहादुर गुरुङले बताउनुभयो । निमित्त कार्यालय प्रमुखलाई आर्थिक एवम् महत्त्वपूर्ण कार्य गर्ने अधिकार प्राप्त छैन ।
Recent News
-
February 7, 2025बेलायती अधिराजकुमार र अधिराजकुमारीद्वारा परेड अवलोकन
-
February 7, 2025देश विकास गर्ने अनुकुल समय यही होः पूर्वराष्ट्रपति भण्डारी
-
February 7, 2025थाइल्यान्डले जित्यो त्रिदेशीय टी–२० शृङ्खलाको उपाधि
-
February 7, 2025निजी मेडिकल कलेजका आवासीय चिकित्सकलाई समान निर्वाह भत्ता दिने निर्णय
-
February 7, 2025माल्दिभ्सले सन् २०२७ मा ‘फ्लोटिङ्ग सौर्य परियोजना’ सुरू गर्ने
