सिन्धुलीको गोलञ्जोरमा भएको दुर्घटनामा एक जनाको मृत्यु, पाँच जना घाइते
काठमाण्डौ । झापाबाट काठमाण्डौका लागि छुटेको निजी गाडी सिन्धुलीमा दुर्घटना हुँदा एक जनाको ज्यान गएको छ । पाँच जना घाइते भएका छन् । बा १–०३० च ९६४२ नम्बरको विद्युतीय गाडी ( ईभी ) बीपी राजमार्गअन्तर्गत गोलञ्जोर गाउँपालिका–५ मा बिहान दुर्घटना भएको हो ।
दुर्घटनामा गाडी चालक दोलखाको गौरीशङ्कर गाउँपालिका घर भएका २७ वर्षीय सुशान्त नेपालीको ज्यान गएको सिन्धुलीका प्रहरी उपरीक्षक गोविन्दराज काफ्लेले जानकारी दिनुभयो । उहाँका अनुसार दुर्घटनामा घाइते भएकामध्ये मोरङको लेटाङ नगरपालिका–२ का ३४ वर्षीय देवी लिम्बूको अवस्था गम्भीर छ ।
इलाम देउमाई नगरपालिका–८ का ५३ वर्षीय सनबहादुर तामाङ, काठमाण्डौको कागेश्वरी मनोहरा नगरपालिका–५ का २८ वर्षीया श्वेता गिरी र २८ वर्षीय सञ्जय रोक्का तथा झापाको बाह्रगढी गाउँपालिका–१ का २७ वर्षीय किस्कु मण्डल सामान्य घाइते भएका छन् । उनीहरुको सिन्धुली अस्पतालमा उपचार भइरहेको छ ।
Recent News
-
February 7, 2025थाइल्यान्डले जित्यो त्रिदेशीय टी–२० शृङ्खलाको उपाधि
-
February 7, 2025निजी मेडिकल कलेजका आवासीय चिकित्सकलाई समान निर्वाह भत्ता दिने निर्णय
-
February 7, 2025माल्दिभ्सले सन् २०२७ मा ‘फ्लोटिङ्ग सौर्य परियोजना’ सुरू गर्ने
-
February 7, 2025नेपालले दियो थाइल्यान्डलाई ८२ रनको लक्ष्य
-
February 7, 2025प्रतिनिधिसभा बैठक: स्वर्गद्वारी गुठी पीडितको माग सम्बोधन गर्न माग
