लामिछानेको कसुरमा संलग्नता नरहेको अहिले नै भन्न सकिने अवस्था रहेन, चितवन जिल्ला अदालत
काठमाण्डौ । चितवन जिल्ला अदालतले रवि लामिछाने साहारा सहकारी ठगीमा संलग्न नरहेको भनेर अहिले नै भन्न सकिने अवस्था नरहेको उल्लेख गरेको छ ।
लामिछानेलाई ५४ लाख धरौटीमा रिहा गर्ने आदेशमा अदालतले भनेको छ । प्रतिवादी रवि लामिछानेको दाबीको कसुरमा संलग्नता नरहेको भनी अहिले नै भन्न सकिने अवस्थाको विद्यमानता नरहेकोले पछि मुद्दामा थप प्रमाण बुझ्दै जाँदा ठहरेबमोजिम हुने गरी तत्काल निज प्रतिवादी रवि लामिछानेबाट मुलुकी फौजदारी कार्यविधि संहिता, २०७४ को दफा ६८ बमोजिम ५४ लाख रुपैयाँ धरौटी वा जमानत वा बैंक जमानत लिनु ।’
अदालतले माग गरेको धरौटी बुझाउने बित्तिकै उहाँ हिजो बेलुकी रिहा हुनुभएको छ । यसअघि लामिछानेलाई कास्की जिल्ला अदालतले ६५ लाख , काठमाण्डौ जिल्ला अदालतले ६० लाख र रुपन्देही जिल्ला अदालतले एक करोड रुपैयाँ धरौटी माग गरेको थियो ।
Recent News
-
February 7, 2025प्रतिनिधि सभा बैठक बस्दै, यस्तो छ कार्यसूची
