अर्घाखाँचीमा बाँदर नियन्त्रण गर्न सामुदायिक वनमा फलफूलका बिरुवा रोप्न सुरू
अर्घाखाँची । गाउँमा बाँदर नियन्त्रण गर्न भन्दै अर्घाखाँचीको सन्धिखर्क नगरपालिका-१० मा रहेको घाटाखोला, बेल्टारी सामुदायिक वनमा फलफूलका बिरुवा रोप्न सुरू भएको छ ।
उत्पादन दिने फलफूल लगाएर आम्दानी गर्न सकिने र गाउँमा बाँदर नियन्त्रण पनि हुने विश्वासले सामुदायिक वनमा फलफूलका बिरुवाहरू लगाउन थालेको घाटाखोला, बेल्टारी सामुदायिक वनका अध्यक्ष नारायण भट्टराईले बताउनुभयो ।
यस वर्ष जङ्गलमा दुई सयभन्दा धेरै म्यालका रुख, झन्डै चार सय नासपातीका बिरुवा रोपिएको कृषि प्राविधिक गणेशप्रसाद बञ्जाडेले बताउनुभयो । यस्तै गिठा, स्कुस, भ्याकुर, तरुललगायतका कन्दमूलका बिरुवाहरूसमेत लगाइएको छ ।
बाँदरले खान मिल्ने फलफूल वनमै हुँदा घर गाउँमा डुल्ने बाँदर वनमा रोकिने र खेतीपाती जोगिने अनुमान छ ।
Recent News
-
February 6, 2025बैंक ग्यारेन्टी बुझाएर रवि हिरासतमुक्त
-
February 6, 2025रवि लामिछानेलाई ५४ लाख धरौटीमा छाड्न चितवन अदालतको आदेश
-
February 6, 2025थाइल्यान्डको पहिलो हार, नेदरल्यान्ड्ससँग १ विकेटले पराजित
-
February 6, 2025अब पानामा नहर हुँदै जाने अमेरिकी जहाजले कुनै शुल्क तिर्न नपर्ने
