नेपाल कबड्डी लिगको उपाधि जनकपुर नाइट्सलाई
काठमाण्डौ । नेपाल कबड्डी लिग (एनकेएल) को उपाधि जनकपुर नाइट्सले जितेको छ । हिजो भएको फाइनल खेलमा काठमाण्डौ माभरिक्सलाई हराउँदै जनकपुर अपराजित रहँदै पहिलो संस्करणको एनकेएल च्याम्पियन बन्यो ।
राष्ट्रिय खेलकुद परिषद्को कभर्ड हलमा भएको फाइनल खेलमा काठमाण्डौ माभरिक्स ४५–४१ ले पराजित भयो । यसअघि जनकपुर २३ अङ्कसहित लिग चरणमा शीर्षस्थानमा रहँदै क्वालिफायरमा पुगेको थियो ।
उसले लिग चरणमा ४ खेल जित्दा काठमाण्डौसँग बराबरी खेलेको थियो । जनकपुर पहिलो क्वालिफायरमा विराटनगर ब्यान्डिट्सलाई ३४–३२ ले हराउँदै फाइनलमा पुगेको थियो ।
उपाधिसँगै जनकपुरले पाँच लाख रुपैयाँ प्राप्त गरेको छ । पहिलो पटक भएको फ्रेन्चाइज कबड्डी लिगमा मुख्य ६ शहरका टोली सहभागी थिए ।
Recent News
-
February 1, 2025अमेरिकामा फेरि उडान भरेको ३० सेकेण्डमै अर्को जहाज दुर्घटना
-
February 1, 2025त्रिदेशीय महिला टी–२० क्रिकेटमा नेपालले आज थाइल्याण्डसँग खेल्दै
