काठमाण्डौका विभिन्न ठाउँमा ४ दिनसम्म दैनिक ५ घण्टा विद्युत् अवरुद्ध हुने
काठमाण्डौ । काठमाण्डौका केही ठाउँमा आजदेखि ४ दिन दैनिक ५ घण्टा विद्युत् अवरुद्ध हुने भएको छ ।
नेपाल विद्युत् प्राधिकरणका अनुसार आज गोठाटार (जोरपाटी) फिडरअन्तर्गत मानटार चोक क्षेत्रमा बिहान ११ बजेदेखि दिउँसो ४ बजेसम्म विद्युत् अवरुद्ध हुनेछ ।
भोलि मातातीर्थ (कुलेश्वर) फिडर अन्तर्गत मातातीर्थ वरिपरिका क्षेत्र, पर्सि शङ्खमुल फिडर (बानेश्वर) अन्तर्गत दोभान पुल वरिपरिका क्षेत्रमा विद्युत् आपूर्ति बन्द हुनेछ ।
आउने शुक्रवार केएमसी र पुरानो एयरपोर्ट फिडर (बानेश्वर) अन्तर्गत आलोकनगर वरिपरिका क्षेत्रमा ५ घण्टा विद्युत् अवरुद्ध हुने प्राधिकरणले बताएको छ ।
कुलेश्वर, बानेश्वर, जोरपाटी र कीर्तिपुर वितरण केन्द्रअन्तर्गतका विद्युतीय वितरणलाइन भूमिगत गर्ने कार्यको लागि विद्युत् आपूर्ति बन्द गर्न लागेको प्राधिकरणले जनाएको छ ।
Recent News
-
January 30, 2025नेपाल नेदरल्यान्ड्ससँग २० रनले पराजित
-
January 30, 2025सुमो दुर्घटनामा एकै परिवारका तीनजनाको मृत्यु
-
January 30, 2025नेदरल्यान्ड्सले दियाे नेपाललाई १ सय ५८ रनकाे लक्ष्य
