नेपाल कबड्डी लिग , पोखरासँगको खेलमा धनगढीको पहिलो जीत
काठमाण्डौ । नेपाल कबड्डी लिग ( एनकेएल ) मा धनगढी वाइल्डक्याट्सले पोखरा लेकर्सलाई हराएको छ । त्रिपुरेश्वरको राष्ट्रिय खेलकुद परिषद् ( राखेप ) कभर्डहलमा हिजो भएको खेलमा धनगढी ३८–३३ ले विजयी भएको हो ।
प्रतियोगितामा धनगढीको यो पहिलो जीत हो । योसँगै धनगढी ६ अङ्कका साथ चौथो स्थानमा उक्लिएको छ ।
तीन अङ्कसहित पोखरा अङ्क तालिकाको पुछारमा छ । ६ टोली सहभागी प्रतियोगितामा जीतविहीन रहने टोली पोखरामात्रै हो ।
प्रतियोगितामा आज दुई वटा खेल हुँदैछन् । पहिलो खेलमा बेलुका साढे पाँच बजे धनगढी र काठमाण्डौ माभरिक्स खेल्दैछन् । यस्तै दोस्रो खेलमा बेलुका साढे ६ बजे जनकपुर नाइट्स र पोखराबीच खेल हुँदैछ ।
Recent News
-
January 23, 2025पेट्रोलियम पदार्थबाट ३७ अर्ब राजस्व सङ्कलन
-
January 23, 2025सवारीसाधनको चाबी थुत्न नपाइने अदालतको आदेश
-
January 23, 2025सुनको मुल्य आज ४ सय रुपैयाँले घट्यो
