खो–खो विश्वकपको पहिलो संस्करणमा पुरुषतर्फ पनि नेपाल उपविजेता
काठमाण्डौ । खो–खो विश्वकपको पहिलो संस्करणमा पुरुषतर्फ पनि नेपाल उपविजेतामा सीमित भएको छ ।
भारतको नयाँ दिल्लीमा इन्दिरा गान्धी इन्डोर हलमा गएराति सम्पन्न फाइनलमा नेपाल आयोजक भारतसँग ५४–३६ अन्तरले पराजित भएको हो । पुरुषतर्फको सेमिफाइनलमा नेपालले इरानलाई ७२–२० ले हराएको थियो ।
समूह चरणमा उद्घाटन खेलमा भारतसँग पराजित भएको नेपालले त्यसपछि पेरु, ब्राजिल र भुटानलाई हराएको थियो । नेपालले क्वार्टरफाइनलमा बङ्गलादेशलाई पराजित गरेर फाइनलमा भारतसँगको भेट पक्का गरेको थियो ।
यसअघि हिजै भएको महिला टोली तर्फको फाइनलमा पनि नेपाल भारतसँग पराजित भएको थियो । भारतले नेपाललाई ७८–४० ले पराजित गरेको हो । नेपाली महिला टोली अपराजित रहँदै उपाधि नजिकै पुगेको थियो । नेपाली महिला टोलीले सेमिफाइनलमा युगान्डालाई र क्वाटरफाइनलमा इरानलाई हराएको थियो ।
यस्तै नेपाली महिला टोलीले समूह चरणको पहिलो खेलमा भुटान, दोस्रो खेलमा जर्मनी, तेस्रो खेलमा श्रीलङ्का र चौथो खेलमा बङ्गलादेशलाई हराएको थियो ।
Recent News
-
January 20, 2025सामाजिक सुरक्षा अवधारणामा सहभागी हुन दूतावासको आग्रह
-
January 20, 2025सुनको मुल्य आज १ सय रुपैयाँले घट्यो
-
January 20, 2025गण्डकीमा गुरुङ र मगर भाषालाई सरकारी कामकाजको भाषा बनाइने
-
January 20, 2025हरेक दिनको सरकारी कारोबार विवरण राष्ट्र बैङ्कमा पठाउनुपर्ने
