म्याग्दीमा अनलाइन प्रणालीमार्फत नागरिकताको सिफारिश गर्ने व्यवस्था
म्याग्दी । जिल्ला प्रशासन कार्यालय म्याग्दीले अनलाइन प्रणालीमार्फत नागरिकताको सिफारिश गर्ने व्यवस्था मिलाएको छ । यस्तो व्यवस्थासँगै सेवाग्राहीले नागरिकताका लागि वडा कार्यालयबाट लिखित सिफारिशको कागजपत्र बोकेर प्रशासनमा धाउनुपर्ने समस्या हटेको छ ।
प्रमुख जिल्ला अधिकारी गुरूदत्त ढकालले नागरिकता सिफारिशको कार्यलाई समयसापेक्ष, प्रविधिमैत्री र सेवाग्राहीलाई झन्झटरहित छिटोछरितो सेवा प्रवाह गराउन अनलाइन प्रणालीमार्फत नागरिकताको सिफारिश गर्ने व्यवस्था मिलाएको बताउनुभयो ।
गृह मन्त्रालयले विकास गरेको सफ्टवेयरमा वडा कार्यालयले सेवाग्राहीको विवरण भरेर कोड नम्बरसहित प्रशासनमा पठाउँछन्। सङ्केत नम्बर लिएर आउने सेवाग्राहीको विवरण रूजु गरेर प्रशासनले नागरिकता प्रदान गर्छ ।
अनलाइन प्रणालीबाट नागरिकता सिफारिशसम्बन्धी सेवा प्रवाहका लागि वि.सं.२०६० चैत ७ गतेभन्दापछि जिल्ला प्रशासन कार्यालय म्याग्दीमार्फत वितरण भएका नागरिकताको विवरण सफ्टवेयरमा प्रविष्ट छ ।
Recent News
-
January 18, 2025इरानको सर्वोच्च अदालतमा दुई न्यायाधीशको गोली हानी हत्या
-
January 18, 2025सम्झौताअन्तर्गत पहिलो चरणमा ७३७ कैदीलाई रिहा गर्ने इजरायलको घोषणा
-
January 18, 2025सांसद ढकाल अमेरिकी राष्ट्रपति ट्रम्पको शपथ ग्रहणमा सहभागी हुने
-
January 18, 2025म्याग्दीमा अनलाइन प्रणालीमार्फत नागरिकताको सिफारिश गर्ने व्यवस्था
-
January 18, 2025‘क्यान इन्फोटेक’ को ३० औं संस्करण माघ २४ देखि काठमाण्डौमा हुने
