भोजपुरको पौवादुङमा पत्रु खानेकुरा बेचबिखनमा रोक
भोजपुर । भोजपुरको पौवादुङमा पत्रु खानेकुरा बेचबिखनमा रोक लगाइएको छ । दोस्रो पौवादुङ गोल्ड कप र वृहत् माघी मेलामा स्थानीय उत्पादनको प्रवर्द्धन गर्ने लक्ष्यले आयातित पत्रु खानेकुरामा रोक लगाइएको पौवादुङमा गाउँपालिकाले जनाएको छ ।
मेलामा स्थानीय उत्पादन कोदो, मकै, गहुँ फापर, भुटेको मकै मुन्द्रुक,इस्कुसको तरुल, घर तरुललगायतका परिकार मात्र बिक्री वितरणको लागि खुला गरिएको छ ।
त्यस्तै बाह्य पेय पदार्थलाई निषेध गरेर स्थानीयस्तरमा पाइने मही, दही, एभोकाडोको जुस, सुन्तलाको जुस मात्र बिक्री वितरण भइरहेको छ । प्रतियोगिता तथा माघी मेलामा पत्रु खाना (जङफुड) निषेध गरिएको गाउँपालिकाका प्रमुख प्रशासकीय अधिकृत नवीन भट्टराईले जानकारी दिनुभयो ।
गाउँपालिकाले पत्रुखानालाई निरुत्साहित गर्ने लक्ष्यका साथ काम गरिरहेकाले यस्ता खालका खानाको बिक्री वितरणमा रोक लगाइएको उहाँको भनाइ छ ।रासस
Recent News
-
January 18, 2025इरानको सर्वोच्च अदालतमा दुई न्यायाधीशको गोली हानी हत्या
-
January 18, 2025सम्झौताअन्तर्गत पहिलो चरणमा ७३७ कैदीलाई रिहा गर्ने इजरायलको घोषणा
-
January 18, 2025सांसद ढकाल अमेरिकी राष्ट्रपति ट्रम्पको शपथ ग्रहणमा सहभागी हुने
-
January 18, 2025म्याग्दीमा अनलाइन प्रणालीमार्फत नागरिकताको सिफारिश गर्ने व्यवस्था
-
January 18, 2025‘क्यान इन्फोटेक’ को ३० औं संस्करण माघ २४ देखि काठमाण्डौमा हुने
