काठमाण्डौको तापक्रम साढे २ डिग्रीमा झर्याे
काठमाण्डाै । काठमाण्डौ उपत्यकामा आज हिजोभन्दा बढी चिसो छ । हिजोको न्यूनतम तापक्रम ३ दशमलव १ डिग्री सेल्सियस रहेकोमा आज २ दशमलव ५ डिग्री सेल्सियसमा झरेको छ ।
मौसम पूर्वानुमान महाशाखाका अनुसार देशका उच्च पहाडी र हिमाली क्षेत्रको तापक्रम माइनसमा झरेको छ । जुम्लाको न्यूनतम तापक्रम माइनस ७, जोमसोमको माइनस ५ र दोलखा जिरीको माइनस २ दशमलव ४ डिग्री सेल्सियसमा झरेको छ ।
काठमाण्डौ उपत्यकाको आकाश आज पनि सफा छ । केही दिनदेखि तुवाँलो हटेर आकाश खुल्न थालेपछि उत्तरमा रहेका हिमशृङ्खलाहरू देखिन थालेका छन् । काठमाण्डौमा बिहानैदेखि घाम लागेको छ । तर तराई र पहाडका बेँसीहरूमा भने हुस्सु र कुहिरो लागेको छ ।
आज गण्डकी प्रदेश, कर्णाली प्रदेश र सुदूरपश्चिम प्रदेशका पहाडी भू–भागमा आंशिक बदली रहने तथा बाँकी भू–भागमा मौसम मुख्यतया सफा रहने महाशाखाले जनाएको छ । गण्डकी प्रदेश, कर्णाली प्रदेश र सुदूरपश्चिम प्रदेशका उच्च पहाडी तथा हिमाली भू–भागका एक/दुई ठाउँमा हल्का हिमपातको सम्भावना रहेको छ ।
Recent News
-
January 22, 2025रूपन्देहीमा रविको बयान : बिहीबारदेखि थुनछेक बहस
-
January 22, 2025नीतिगत रूपमा स्थायित्व सोच्न सक्ने अवस्थामा छैनौँ : शंकर पोखरेल
-
January 22, 2025सरकारले नागरिकमा आशा जगाउने काम गरिरहेका छौँः उपप्रधानमन्त्री सिंह
-
January 22, 2025नेपाल र चीनको युवान प्राप्तबिच युथ फुटबल हुने
-
January 22, 2025आज शेयर बजार ५२ अंकले बढ्यो
